Os clubs xa gozan da piscina olímpica, que será accesible para toda a cidadanía "en setembro ou outubro"
Por Diego Espiño
Máis dun ano despois do seu peche, a piscina olímpica de Ponte Muíños segue a dar pasos adiante para recobrar a súa actividade, co inicio dos adestramentos dos clubs de auga da cidade no vaso grande de 50 metros.
Esta semana os clubs federados puideron por fin volver tirarse á auga da piscina olímpica, unha opción de momento reservada a eles e aos deportistas de elite. Trátase dun paso apoiado nun acordo co Concello de Pontevedra, a Fundación Rías do Sur e os propios clubs deportivos.
"Era difícil de entender que 530 nenos que están neste momento en activos nos clubes de auga non tivesen lámina de auga para adestrar e competir", sinalou este mércores nunha visita ás instalacións o alcalde de Pontevedra, Miguel Anxo Fernández Lores, acompañado do concelleiro de Deportes, Tino Fernández.
"A condición que o Concello puxo para investir na instalación é que a lámina de auga sexa para todos os clubes, sen distinción de ningún tipo", sinalou o rexedor.
Dado este importante paso, moi esperado polos clubs, agora falta poder volver reabrir a instalación ao completo. Neste sentido segundo as previsións que manexa a Fundación Rías do Sur o obxectivo "é que nos comezos da vindeira temporada estea todo funcionando. Setembro, outubro, por aí vai andar", recoñeceu o seu presidente, Héctor Vilariño.
Explica o representante de Rías do Sur que "temos ahgora mesmo interese de varias empresas pola instalación. Polo momento non temos ofertas pero si varios interesados en coñecer a instalación, e algúns mesmo repetiron visita".
Na visita dos representantes institucionais á piscina olímpica os dirixentes locais estiveron acompañados polos presidentes dos clubs de auga de Pontevedra, afirmando Alberto Castro, do Club Natación Galaico, que todos eles están "motivados e contentos por volver ter auga, porque sen auga non temos deporte". E é que "é unha marabilla que isto estea cheo de novo, ver a piscina olímpica chea de xente, de deporte".
Relacionadas:
-
O complexo deportivo de Rías do Sur reabrirá as súas portas o 12 de febreiro
Por Alejandro Espiño |
-
Desbloqueado "o último obstáculo" para a posible apertura do Complexo Deportivo Rías do Sur
Por Almu Dapena |
-
O PP reclama que se poña en marcha o "convenio incumprido" para reactivar o Complexo Deportivo Rías do Sur
Por Redacción |
-
O CN Galaico brilla no regreso das competicións á piscina de Rías do Sur
Por Redacción |
-
A natación sincronizada invade a piscina de Rías do Sur
Por Redacción & Cristina Saiz |
-
O Concello investirá 200.000 euros para que os clubs poidan adestrar e competir nas piscinas de Rías do Sur
Por Almu Dapena |
-
Supera abandona Rías do Sur e os clubs manteñen a piscina baixo mínimos
Por Manu Otero |
-
A piscina de 25 metros de Rías do Sur seguirá aberta á espera dunha solución que permita reabrir a olímpica
Por Manu Otero |
-
Vida extra ata final de ano para evitar o peche de Rías do Sur
Por Diego Espiño |
-
Rías do Sur volve pechar ao non poder facerse cargo a Fundación "do groso dos gastos que conleva"
Por Diego Espiño |
-
O enchido da piscina olímpica, á espera de que "ENCE nos diga cando nos pode dar enerxía calorífica"
Por Diego Espiño |
-
Supera renuncia á concesión de Rías do Sur tras asinar un acordo extraxudicial coa Fundación
Por Diego Espiño |
-
Ao choio para poñer a punto a piscina olímpica de Ponte Muíños
Por Redacción |