Os maratonianos do piragüismo pontevedrés lócense no Nacional e poñen rumbo ao Campionato de Europa
Por Redacción
O lago Estany de Banyoles, en Xirona, foi escenario a fin de semana do XXVII Campionato de España de Maratón, cunha importante presenza de piragüistas pontevedreses.
Tratábase dun evento importante ademais porque servía de Selectivo de Maratón Curto de cara ao Campionato de Europa que se celebrará do 13 ao 16 de xullo en Slavonski Brod, Croacia, para o que só se clasificaban os dous primeiros de cada categoría.
Non defraudou un dos grandes especialistas desta modalidade, Tono Campos (Breogán do Grove), ao impoñerse no C-1 cun tempo de 2:13:16 superando a Manuel Garrido (Kaiak Tudense). Campos repetiu ademais no C-2 facendo parella con Diego Romero levándose o ouro por diante de Diego Miguéns e Fernando Busto (As Torres).
Os dous padexeiros do Breogán, Tono Campos e Diego Romero, completaron a súa actuación co ouro e a prata respectivamente o C-1 do maratón curto, levándose os billetes europeos e deixando sen premio a Jaime Duro (EP Ciudad de Pontevedra) que foi terceiro.
Ademais no C-1 sénior feminino Noa Conde (EP Ciudad de Pontevedra) tivo tamén un papel destacado ao facerse coa medalla de prata, sendo só superada por María Martín (Piragüismo Aranjuez).
Na categoría Sub-23 Jaime Duro (EP Ciudad de Pontevedra) levou a vitoria na categoría C1, con Carlos Picón (Náutico O Muiño) no terceiro lugar, mentres que David Pazos (Piragüismo Verducido) conseguiu a medalla de ouro na categoría K-1 xuvenil e Verónica Rodiño (Piragüismo Verducido) a de bronce tamén no K-1 xuvenil.
No C-1 cadete pola súa banda Antonio Silva (Breogán) foi prata, e en paracanaoe Marcos Terzado (Piragüismo Vilaboa) foi ouro na categoría Home senior PK3.
Relacionadas:
-
Tono Campos, medalla de ouro na proba curta do Mundial de Piragüismo Maratón
Por Diego Espiño |
-
O piragüismo galego despide o europeo de maratón con outra remesa de medallas
Por Redacción |
-
Jaime Duro, campión de Europa e Joaquín Iglesias acada o bronce
Por Redacción |
-
O autonómico infantil e cadete sobe o pano dun mes de xullo frenético no encoro do Pontillón do Castro
Por Manu Otero |
-
O Campionato Galego de Piragüismo inicia no Pontillón do Castro a conta atrás cara ao Nacional
Por Redacción |
-
Terceiro posto por equipos para a EP Cidade de Pontevedra no Nacional de Medio Maratón
Por Redacción |
-
Baño de ouro mundialista para Tono Campos e Diego Romero en C-2 e Tania Álvarez e Fernández en K-2
Por Almu Dapena |
-
Tono Campos faise co bronce no Mundial de Maratón
Por Almu Dapena |
-
Jaime Duro, campión do Mundo sub-23 de piragüismo maratón con Diego Piñeiro terceiro
Por Diego Espiño |