O piragüismo pontevedrés achega as primeiras medallas para a delegación española no mundial de Italia
Por Manu Otero
O campionato do mundo de piragüismo sprint de categoría sub 23 e xuvenil segue dando grandes noticias para o piragüismo galego e pontevedrés. Nas primeiras finais do campionato, a armada galega conseguiu xa tres metais: ouro, prata e bronce.
Na emocionante final de C2 Sub-23 de 1000 metros, Pablo Crespo e Martín Jácome, ambos os representantes do Club Escola de Piragüismo Ciudad de Pontevedra, alzáronse coa medalla de ouro cun tempo impresionante de 3:34.88. Os ucraínos Atem Chetvertal e Pavlo Borsuk ocuparon a segunda posición, rexistrando un tempo de 3:36.03, mentres que os húngaros Nicholas Fodor e Marton Horbath sería terceiros cun tempo de 3:37.89.
Doutra banda, na final de C2 500 metros Sub-23, a pontevedresa Antía Otero e a mallorquina María Moreno levaron a medalla de bronce cun tempo de 1:59.94. Por detrás das moldavas Daniela Cociu e María Olarasu conseguiron o ouro cun tempo de 1:58.79, mentres que as húngaras Reka Opavszky e Laura Gonczol lograron a prata cun tempo de 1:59.39.
O terceiro metal, o de prata, leváronllo os integrantes do K4 500 metros Sub-23, o equipo formado por Iván Fernández, Xoel García, Alex Graneri e Carlos García destacouse ao obter a medalla de prata. O cuarteto español completou a carreira nun tempo de 1:21.18, quedando por detrás do equipo húngaro.
O que non puido facer dobrete foi o pontevedrés Pablo Crespo. O canoísta do Ciudad de Pontevedra competiu só dúas horas despois da final do C2 na esixente regata polas medallas do C1-1000. Sen tempo para recuperarse do esforzo, Crespo asinou un meritorio sétimo posto.
Relacionadas:
-
Exhibición de Pablo Crespo no selectivo para os mundiais de piragüismo de Alemaña
Por Manu Otero |
-
David Pazos proclámase campión de Europa e Tono Campos obtén o bronce
Por Redacción |
-
David Pazos, primeiro ouro pontevedrés no Europeo de piragüismo maratón en Croacia
Por Redacción |
-
Claudia Couto, Jaime Duro e Martín Jácome pechan o Mundial de piragüismo con dous ouros e un bronce
Por Almu Dapena |
-
Tres novos metais mundialistas para España da man dos padeeiros pontevedreses
Por Almu Dapena |
-
O piragüismo pontevedrés marca territorio no arranque do mundial sub 23 de Auronzo, en Italia
Por Manu Otero |