Exhibición de Pablo Crespo no selectivo para os mundiais de piragüismo de Alemaña
Por Manu Otero
A pista de piragüismo do complexo deportivo David Cal do Pontillón do Castro acolleu este xoves as probas nacionais selectivas para o mundial de piragüismo sprint que se celebrará na cidade alemá de Duisburg entre o 23 e o 27 de agosto.
En dúas quendas, á primeira hora da mañá e á primeira hora da tarde, celebráronse seis regatas na que o principal protagonista foi o padeeiro do EP Ciudad de Pontevedra Pablo Crespo, que logrou a vitoria nas dúas probas nas que participou conseguindo o dereito para representar a España na cita mundialista.
A primeira carreira tivo lugar ás 9.30 horas desta mañá. Crespo tomou a saída do C1-1000 xunto a competidores pontevedreses de recoñecida traxectoria nacional e internacional como os irmáns Noel e Diego Domínguez ou Martín Jácome. O prometedor deportista cruzou a liña de meta en primeira posición con máis de dous segundos de vantaxe sobre Diego Domínguez, segundo clasificado.
E aínda por riba, pola tarde participou na proba do C2 sobre a mesma distancia acompañado polo seu compañeiro Martín Jácome. E o dominio da dupla pontevedresa foi aínda máis abafador. Primeiros clasificados con catro de segundos de vantaxe sobre os irmáns Domínguez, que volveron quedar segundos e que tamén son capaces de competir con solvencia a nivel mundial.
Outra que volveu demostrar que está entre as mellores piragüistas do panorama internacional é Antía Jácome. A pontevedresa logrou o triunfo no C2-200 xunto á súa compañeira María Corbera no man a man contra a embarcación de Viktoria Yarchevska e Elena Gömez.
Nas outras probas, os vencedores foron Elisa e Mercedes Zapata no K2-200 feminino, Adrián do Río e Rodrigo Germado no K2-500 masculino e Pedro Vázquez e Íñigo Pena no K2-1000.
Con estes resultados e en función da distribución horaria das diferentes probas no mundial, será a dirección técnica da Real Federación Española a que decida que piragüistas representarán a España nas distintas modalidades. Aínda que Pablo Crespo conseguira o billete para o C1 e C2-1000, aínda non está confirmado que vaia a disputar as dúas probas.
Relacionadas:
-
O pasaporte para París 2024 pasa polo Campionato do mundo Sprint de Alemaña
Por Redacción |
-
Claudia Couto, ouro europeo Sub-23 nunha xornada con pratas para Antía Otero, Martín Jácome e Manuel Fontán
Por Diego Espiño |
-
Manuel Fontán e Diego Domínguez, primeiras medallas para o piragüismo pontevedrés no Europeo Júnior e Sub-23
Por Redacción |
-
Positivo peche do Campionato de España para o piragüismo pontevedrés
Por Almu Dapena |
-
Choiva de medallas para os padeeiros pontevedreses na segunda xornada do Campionato de España
Por Almu Dapena |
-
Adrián Sieiro consegue o ouro e o pase para o mundial na apertura do Campionato de España de Piragüismo Sprint
Por Manu Otero |
-
Pontevedra réndese ao talento dos seus piragüistas
Por Redacción |
-
O piragüismo pontevedrés achega as primeiras medallas para a delegación española no mundial de Italia
Por Manu Otero |
-
O piragüismo pontevedrés marca territorio no arranque do mundial sub 23 de Auronzo, en Italia
Por Manu Otero |