Claudia Couto, ouro europeo Sub-23 nunha xornada con pratas para Antía Otero, Martín Jácome e Manuel Fontán
Por Diego Espiño
Xornada redonda este domingo para o piragüismo pontevedrés no peche do Campionato de Europa Sprint Júnior e Sub-23 na localidade portuguesa de Montemor-ou-Velho.
O nome propio foi o de Claudia Couto (EP Ciudad de Pontevedra), ao lograr o título continental Sub-23 no C-1 200 metros. A canoísta pontevedresa levou o ouro con autoridade e un tempo de 49.126, máis de dúas décimas mellor que a polaca Katarzyna Szperkiewicz (49.390) e máis de medio segundo sobre a moldava Elena Glizan (49.726), prata e bronce respectivamente.
Non foi en todo caso a única medalla para a armada pontevedresa, e é que chegaron ata dúas pratas máis.
A primeira foi a conseguida por Antía Otero (EP Ciudad de Pontevedra) no C-2 500 Sub-23 xunto á súa compañeira María Moreno, ao finalizar cun tempo de 2:07.881. Quedaron lonxe do primeiro posto das moldavas Daniela Cociu e Maria Olarasu (2:05.644), pero superaron con claridade á tripulación húngara asegurando o segundi posto.
Por último o equipo formado por Martín Jácome (EP Ciudad de Pontevedra) e Manuel Fontán (Náutico Ou Muíño de Ribadumia) sumaron outra prata no C-2 500 metros Sub-23, nunha dura pugna polo título que caeu por moi pouco de lado dos polacos Kacper Sieradzan e Adrian Klos, cun rexistro de 1:48.102 polo 1:48.242 (+0.140) dos pontevedreses.
Manuel Fontán sumaba desta forma o seu segundo metal do campionato europeo, tras a prata o sábado lograda xunto a Diego Domínguez no C-2 1.000 metros.
Relacionadas:
-
O pasaporte para París 2024 pasa polo Campionato do mundo Sprint de Alemaña
Por Redacción |
-
Manuel Fontán e Diego Domínguez, primeiras medallas para o piragüismo pontevedrés no Europeo Júnior e Sub-23
Por Redacción |
-
Positivo peche do Campionato de España para o piragüismo pontevedrés
Por Almu Dapena |
-
Choiva de medallas para os padeeiros pontevedreses na segunda xornada do Campionato de España
Por Almu Dapena |
-
Adrián Sieiro consegue o ouro e o pase para o mundial na apertura do Campionato de España de Piragüismo Sprint
Por Manu Otero |
-
Exhibición de Pablo Crespo no selectivo para os mundiais de piragüismo de Alemaña
Por Manu Otero |
-
Claudia Couto, Jaime Duro e Martín Jácome pechan o Mundial de piragüismo con dous ouros e un bronce
Por Almu Dapena |
-
Tres novos metais mundialistas para España da man dos padeeiros pontevedreses
Por Almu Dapena |