Maristas e Cortegada, primeiros test de pretempada para o Arxil
Por Redacción
Primeiras datas de pretempada confirmadas para o Club Baloncesto Arxil, co sorteo da Copa Galicia de baloncesto feminino. O equipo pontevedrés quedou encuandrado nun grupo con outros dous rivais da liga Feminina 2, o Mariscos Antón Cortegada de Villagarcía e o Maristas Coruña.
O primeiro clasificado desta liguiña clasificarase para a primeira semifinal que terá lugar o día 29 de setembro nunha cancha aínda por determinar e co Ensino de Lugo como rival. A outra semifinal medirá ao Celta co Baxi Ferrol.
O debut das verdes está previsto para o 20 de setembro no CGTD contra o Maristas, mentres que o día 23 visitarán Vilagarcía para enfrontarse ao Mariscos Antón.
O obxectivo principal do Arxil nesta cita autonómica non é outro que o de empregar os dous partidos como preparación para o inicio de liga. Ademais o cadro pontevedrés ten previstos outros dous amigables en Portugal os días 24 e 25 de setembro.
Ás ordes de Mayte Méndez, o Arxil iniciará os adestramentos o día 4 de setembro.
Relacionadas:
-
Marta Fernández, do Ensino de Lugo, convértese na primeira fichaxe do Arxil
Por Redacción |
-
Carolina Riveiro tamén seguirá no Arxil
Por Redacción |
-
Margarita Moreira sela a súa continuidade co Arxil
Por Redacción |
-
O Arxil anuncia a renovación de Aldara Vázquez, un 'comodín' que cumprirá 23 anos no club
Por Redacción |
-
Heather Forster, a pola súa quinta tempada no Arxil
Por Redacción |
-
O Arxil xa ten calendario para o seu novo curso en Liga Feminina 2
Por Redacción |