Achegarse a París 2024, reto de Támara Echegoyen no Mundial de Vela da Haia
Por Redacción
Cita clave na tempada para Támara Echegoyen e para o resto do equipo olímpico español de vela.
A deportista pontevedresa está xa nos Países Baixos para afrontar o Campionato do Mundo da clase 49erFX que terá lugar na Haia, cita que reparte dez prazas clasificatorias para os próximos Xogos Olímpicos de París 2024.
En caso de terminar entre as dez mellores tripulacións, Echegoyen e a súa compañeira Paula Barceló lograrían clasificar a España para a competición olímpica, debendo confirmar o próximo ano a súa convocatoria no equipo nacional.
Támara e Paula Barceló, actuais medalla de bronce mundialistas e que veñen de ser sextas no test olímpico, iniciarán a competición este venres 11 de agosto, co obxectivo de chegar á Medal Race prevista para o vindeiro venres día 18. Xunto a elas estará outra tripulación española, a composta por Alicia Fras e Elena Barrio.
O Campionato do Mundo de vela pon un total de 107 prazas de país para os próximos Xogos entre todas as clases olímpicas deste deporte.
Relacionadas:
-
Támara Echegoyen e Paula Barceló clasifican a España para os Xogos Olímpicos de París
Por Diego Espiño |
-
Echegoyen e Barceló, oitavas no Mundial de vela a falta de seis mangas por disputarse ata a Medal Race
Por Almu Dapena |
-
Támara Echegoyen e Paula Barceló conseguen a medalla de bronce no mundial de 49er FX
Por Manu Otero |
-
Támara Echegoyen e Paula Barceló rozan a medalla no Europeo de 49erFX
Por Redacción |
-
Támara Echegoyen inicia no Europeo 49er FX o seu camiño cara a París 2024
Por Redacción |
-
Támara Echegoyen confirma a súa aposta por estar en París 2024
Por Diego Espiño |