O gol, un problema para o Pontevedra esta pretempada: "Non acabamos de afinar cara portería"
Por Almu Dapena
O Coruxo eliminou o Pontevedra este venres no que foi o primeiro encontro oficial da tempada estreando participación na Copa Federación.
Para Yago Iglesias houbo "dous partes ben diferenciadas". A primeira foi para o equipo local, "foi mellor que nós e non estivemos cómodos en ningún momento. Temos que analizar se é mérito noso ou do rival. O Coruxo entrou mellor ao partido tendo claro como nos quería apertar e faltounos agresividade, bo posicionamento no campo, ideas e, sobre todo, executalo", recoñece.
Con todo, "na segunda cambiaron tórnalas e é o Pontevedra o que xera as ocasións pero sen gol" e, aínda que é algo que o equipo ten que mellorar de fronte ao comezo da liga, o técnico granate quere quedar "coa imaxe que o equipo deu" a pesar das ganas de que tiñan "de seguir pasando roldas nesta competición".
"O Coruxo fixo un traballo defensivo moi bo e nós non soubemos ler que liñas de pase eran as idóneas para combater esa presión que eles facían, no descanso axustámolo e a segunda si que demos na tecla. Díxenllo aos xogadores, faltounos o último pase, xeramos ocasións, tivemos un pau, varias chegadas... Pero non acabamos de afinar cara portería", lamenta.
Agora "temos que afrontar o que vén", quedan tan só dúas semanas de pretempada e o sistema dos adestramentos vai empezar a cambiar, "o equipo xa deixa de acumular carga, pasamos a un período máis relaxado de partidos e buscamos que o xogador a nivel individual vaia recuperando o seu nivel idóneo para a competición", defende Yago Iglesias, que xa pensa na primeira xornada de liga en Pasarón.
E aínda que os resultados non acompañaron ao equipo nesta pretempada, condicionada sobre todo pola falta de gol, "non é momento para preocuparse por iso", indica. "Aínda nos temos que coñecer, interésame que o equipo teña claro o que queremos facer, os posicionamentos, ese fío condutor que queremos ter para chegar a portería rival. O importante é que o equipo xera e que nos enfrontamos a equipos da nosa liga nesta pretempada, sabemos o nivel ao que nos imos a enfrontar e o tipo de xogadores que hai".
Yago Iglesias sabe que o Pontevedra "é o claro favorito" da categoría. "Todos queremos ese obxectivo de volver a Primeira RFEF pero temos claro que non se consegue nin en agosto, nin en setembro nin en decembro. Vai ser un camiño longo, duro, vai haber momentos mellores ou peores pero estamos a traballar para que o equipo teña unha base sólida para, ao longo da tempada, afrontar as xornadas e aos distintos equipos aos que nos imos a enfrontar co maior número de garantías para conseguir os tres puntos e acabar a tempada onde queremos estar".
Relacionadas:
-
A Gimnástica de Torrelavega, un equipo sen complexos como primeiro exame da tempada
Por Diego Espiño |
-
O Pontevedra encara a súa primeira semana de competición "con todos os efectivos ao 100%"
Por Diego Espiño |
-
Goleada do Pontevedra o Vilalonga no último amigable da pretempada (1-4)
Por Redacción & Cristina Saiz |
-
Dálisson de Almeida, un extremo "rápido e con bo un contra un" e co seu paisano Álex Gónzález como referente
Por Diego Espiño |
-
A colocación do céspede de Pasarón, a contrarreloxo para chegar á estrea ligueira
Por Diego Espiño |
-
O Pontevedra, eliminado da Copa Federación tras caer pola mínima fronte ao Coruxo (1-0)
Por Diego Espiño |
-
A Copa RFEF entra en escena para o Pontevedra co Coruxo como rival
Por Diego Espiño | Creada e actualizada
-
Mario Gómez: "Cando asinas no Pontevedra non fai falta dicir cal é o obxectivo"
Por Diego Espiño |
-
Un final de mercado co Pontevedra pendente das fichas Sub-23
Por Diego Espiño |
-
Triunfo pola mínima do Pontevedra no amigable ante o Compostela
Por Redacción |
-
Empate fronte ao Arenteiro no cuarto partido de pretempada do Pontevedra (1-1)
Por Redacción |