Ensaio xeral para o Europeo de Ciclocrós de 2024 no Gran Premio Cidade de Pontevedra máis internacional
Por Diego Espiño
Un ano máis a Illa das Esculturas prepárase para recibir ao mellor ciclocrós co Gran Premio Cidade de Pontevedra, segunda proba puntuable da tempada na Copa de España da especialidade e evento de categoría internacional C1.
A cita chega ademais a un ano vista do Campionato de Europa Absoluto de Ciclocrós que a Boa Vila organizará en 2024, e preséntase case como un ensaio xeral, aínda que "a Illa das Esculturas ten unhas posibilidades infinitas e o circuíto do Europeo será diferente, con elementos como obstáculos artificiais", explicou na presentación do Gran Premio o presidente da Federación Galega de Ciclismo, Juan Carlos Muñiz, acompañado da edil de Deportes, Anabel Gulías, e o representante do servizo provincial de Deportes da Xunta, Daniel Benavides.
Serán máis de 600 os deportistas que competirán en Pontevedra con "unha alta participación internacional", confirmou Gulías, xa que entre haberá eles ciclistas chegados de Francia, Bélxica, Países Baixos, Inglaterra ou Portugal.
A competición dará comezo ás 9.00 horas do sábado cos juniors masculinos, para seguir despois ás 10.15 horas coa carreira júnior feminina, ás 12.00 horas a proba elite e sub-23 feminina e ás 13.15 horas a elite e sub-23 masculina. Xa pola tarde completará a programación ás 15.30 horas as probas cadetes, ás 16.15 horas os ciclistas máster 30, 59 e 60 e ás 17.10 horas os máster 40 masculino.
Os adestramentos oficiais están previstos ás 8.00 e ás 15.00 horas, mentres que ás 11.15 horas mantense na programación un CX Inclusivo.
En canto ao circuíto deseñado na Illa das Esculturas, contará con 3,4 quilómetros de lonxitude incluíndo taboleiros, un caracol, longas rectas pero tamén zonas técnicas ademais dun dobre paso pola zona de boxes.
Relacionadas:
-
O Campionato de Europa de Ciclocrós de Pontevedra promociónase en Benidorm
Por Redacción |
-
Traballo sen pausa cara ao Europeo de Ciclocrós na cidade 'where the bikes bótanse ó lombo'
Por Redacción |
-
Felipe Orts lidera en Marín os elite masculinos e Laura Verdonscht repite ouro
Por Redacción & Cristina Saiz |
-
Kevin Suárez e Laura Verdonscht impóñense no Gran Premio Cidade de Pontevedra de Ciclocrós
Por Almu Dapena & Cristina Saiz |
-
O Supermercados Froiz de Ciclocrós, a por unha tempada "con moitas posibilidades" de éxito
Por Almu Dapena & Mónica Patxot |
-
O Xaxán CX Internacional, a guinda para unha fin de semana de ciclocrós na comarca
Por Redacción |
-
Triplete XSM-Froiz no arranque da Copa de España de Ciclocrós
Por Redacción |
-
E tras o tríatlon... Un 2024 tamén con grandes eventos internacionais de loita e ciclocrós
Por Diego Espiño |
-
Pontevedra pasa con nota a inspección da Unión Europea de Ciclismo de cara ao Campionato de Europa de Ciclocrós 2024
Por Diego Espiño |
-
Asinado en Madrid o convenio que concede a Pontevedra o Europeo 2024 de Ciclocrós
Por Diego Espiño |
-
Xa é oficial, o Campionato de Europa de Ciclocrós 2024 celebrarase en Pontevedra
Por Diego Espiño |