A candidatura do BNG en Pontevedra renóvase dando peso a dirixentes do movemento asociativo
Por Natalia Puga
Unha candidatura que mestura o "vintage" de persoas con experiencia en anteriores listas e no propio Goberno local de Pontevedra co "coworking" de ciudadnos afeitos ao traballo en equipo e co sangue novo de "xente representativa de movementos da sociedade organizada". Así é a lista definitiva do BNG de Pontevedra para optar ás próximas eleccións municipais dende o punto de vista do alcalde e candidato nacionalista á reelección, Miguel Anxo Fernández Lores.
Tras confirmar que el encabezaría a lista e presentar publicamente o seu número 2, Anabel Gulías, este xoves Lores presentou os 25 integrantes da súa candidatura, na que repiten todos os membros actuais da Corporación, se ben un deles, Miguel Filgueira, o fai nos últimos postos e sen posibilidade de saír reelixido. Lores explicou que el lle pediu que fora en postos de saída, pero rexeitono porque llo impiden "responsabilidades persoais e profesionais".
O responsable local do partido, Raimundo González, explicou que esta lista non se deu a coñecer antes porque era necesario referendala en asemblea. Unha vez aprobada, Fernández Lores explicou que á hora de elaborala quixeron conxugar as caras novas coas de máis experiencia e recoñeceu que elixir ao seu número 2 non resultou sinxelo, pois "o que nos gustaría é levar de 2 a todos". Destacou, de todos os xeitos, a súa confianza en que ata os postos 12 ou 13 da lista todos os candidatos teñen altas posiblidades de formar parte da próxima Corporación municipal. Sustenta esta confianza en que o BNG se presentará ás eleccións de maio de 2015 coa "aspiración de revalidar un quinto mandato" á fronte da Alcaldía de Pontevedra.
Lores declárase "satisfeito de feito ata agora", pero recoñece que "non podemos durmirnos nos loureiros nin limitarnos a ser autocomplacentes"
Á hora de elaborar a candidatura tivo en conta, segundo explicou, "criterios de compromiso con Pontevedra" e os nacionalistas decidiron contar con dirixentes e integrantes do movemento asociativa da cidade, dende comunidades de montes a asociacións de veciños. Así, inclúe a Henrique Juncal Tilve (13), integrante das asociacións de veciños e comuneros de Salcedo; á presidenta da asociación veciñal de Lérez, María Xosé Abilleira (15); Sebastián Filgueira Conde 'Sesi', comerciante da rúa Santa Clara e membro da directiva de Aempe; á presidenta dos comuneros de Tomeza e traballadora de CIG, Diana Rodríguez Regueira (17); á actual representante dos estudantes de Belas Artes, Mariña Pérez Vilar (21); a Eva Barreiro Lamas (19), integrante da asociación de veciños O Miradoiro e de asociacións de pais de Monte Porreiro; ao presidente da Asociación Amigos de Campolongo, Fernando Vieitez (22); e á histórica activista contra a permanencia de ENCE na Ría de Pontevedra Leonor González Prieto 'Nené'.
Ademais, optou por dar peso a persoas independentes non militantes do BNG, tales como Eva Barreiro Lamas; Fernando Vieitez; Leonor González 'Nené' María Xosé Abilleira ou José María Domínguez Rei 'Chechu', número 20 e actualmente traballador do hotel Campaniola de Campañó.
O sangue máis novo achégaa o número 12, Alberte Oubiña Piai, veciño de Marcón de 23 anos que forma parte da Dirección Nacional de Galiza Nova. Mariña Pérez Vilar, que ocupa o número 21, e Jose María Domínguez, de 28 anos, son os outros integrantes máis novos.
Ata o número 11 da lista a única novidade é Anabel Gulías, pero a partir dese número encóntranse sete novidades (en total hai oito nomes novos): Alberte Oubiña (12), Diana Rodríguez (17), Vitor Almeida (18), Eva Barreiro (19), José María Domínguez 'Chechu' (20), Mariña Pérez (21) e Fernando Vieitez (22).
Lores declarouse "satisfeito de feito ata agora, que non é pouco", pero recoñeceu que "non podemos durmirnos nos loureiros nin limitarnos a ser autocomplacentes".
Relacionadas:
-
Jacobo Moreira: "Me he avergonzado por el caso de Rato"
Por Natalia Puga |
-
Lores reforza a súa lista electoral cun grupo de apoio de dez pontevedreses "de recoñecido prestixio"
Por Natalia Puga |
-
Lores ve "moi difícil" pactar tras o 24-M porque PP, PSOE e Marea "queren desfacer o modelo de Pontevedra"
Por Alejandro Espiño |
-
Alberte Fernández e Sabela Bará, novos responsables de Galiza Nova Pontevedra
Por Redacción |
-
O BNG levará no seu programa expandir o modelo urbano "a todo o territorio municipal"
Por Redacción |
-
A democracia directa será un dos piares do programa electoral de Lores
Por Oskar Viéitez & Mónica Patxot |
-
Demetrio Gómez, número 3 na candidatura do BNG; Miguel Filgueira quedará fóra da corporación
Por Redacción |
-
Anabel Gulías, primeira sorpresa da listaxe de Lores para as municipais de 2015
Por Redacción |
-
Fernández Lores: "So hai unha persoa que non quere que me presente á reelección: a miña muller"
Por Oskar Viéitez |