Unha caída saíndo do hotel deixa sen Gran Final á galega Sara Guerrero: "Era o día máis importante da miña vida"
Por Diego Espiño
A mala sorte cebouse coa triatleta Sara Guerrero, única representante galega na proba elite feminina da Gran Final das Series Mundiais de Pontevedra, e que non puido saír a competir debido a un desgraciado accidente.
A deportista naronesa sufriu unha caída en bicicleta no camiño que separa o seu hotel co Centro Galego de Tecnificación Deportiva, danando un ombreiro.
"Vindo para a transición para pasar o check-in da competición caín da bicicleta, levanteime rápido porque quería pensar que non era nada pero cando tentei montarme na bicicleta non podía agarrala, doíame moito un ombreiro", explicou a PontevedraViva desde a zona de saída da carreira, na ponte dos Tirantes, mentres o resto de participantes iniciaban a proba.
A pesar do sucedido tentou con todas as súas forzas competir chegando a participar no quecemento. "Tireime a nadar co mono posto e todo para ver se finalmente podía participar pero non podo levantar o ombreiro máis de 90 graos. Agora apetéceme animar ás miñas compañeiras e ver a competición e en canto acabe vou ao hospital para facerme probas, espero que só sexa o golpe", recoñecía a galega.
Ademais do dano físico únese a decepción que supón non poder participar nunha Gran Final na casa, co apoio de todos os seus. "Para min creo que era o día máis importante da miña vida, e non puiden participar", aseguraba Guerrero, que a pesar de todo resistíase a perder o seu sorriso asegurando que "creo no destino e seguro que me dá unha segunda oportunidade".
O que tiña claro en todo caso é que "me apetecía sufrir competindo fose cal fose o resultado, pero non padecer", de aí a difícil decisión tomada de non correr a Gran Final de Pontevedra.
Relacionadas:
-
VÍDEO.- Así foi a homenaxe a Javi Gómez Noya, con mensaxes de Alistair Brownlee, Pau Gasol ou Carolina Marín
Por Redacción |
-
Optar a repetir outra Gran Final das Series Mundiais?: "Está aberta esa posibilidade"
Por Diego Espiño |
-
"As próximas sedes terán que mirar a Pontevedra para ver como facer unha Gran Final"
Por Diego Espiño |
-
Beth Potter reina en Pontevedra e pon o broche a unha inesquecible Gran Final das Series Mundiais
Por Diego Espiño & Mosrey Fotografía |
-
Posto 16 para Natalia Castro nun Mundial Sub-23 gañado pola alemá Klamt: "Hoxe non tiña máis pernas"
Por Diego Espiño & Mosrey Fotografía |
-
Os Grupos de Idade botan o resto para dar cor e bo ambiente ás Series Mundiais
Por Diego Espiño & Mosrey Fotografía |
-
Pontevedra, ateigada, exhíbese ao mundo nunha emocionante Gran Final Masculina
Por Diego Espiño & Mosrey Fotografía |
-
Os triatletas réndense a Pontevedra: "Nunca vivira unha carreira así, con tanta xente animando"
Por Diego Espiño & Mosrey Fotografía |
-
O lugués Esteban Basanta brilla no Mundial Sub-23 que gaña o alemán Simon Henseleit
Por Diego Espiño & Mosrey Fotografía |
-
Susana Rodríguez perde o ouro mundial en paratríatlon por unha polémica sanción: "É unha vergoña"
Por Diego Espiño & Mosrey Fotografía |