Susana Rodríguez perde o ouro mundial en paratríatlon por unha polémica sanción: "É unha vergoña"
![](/web/cache/scene/uploads/fotos/foto/868/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/650eb1ae8e-mos_8920.jpg)
© Mosrey Fotografía
![](/web/cache/scene/uploads/fotos/foto/5e1/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0knKLynJz1WyrgUA_/650eb1ae02-mos_8810.jpg)
© Mosrey Fotografía
O campionato do Mundo de paratríatlon estreou este sábado a actividade no primeiro dos días grandes da Gran Final das Series Mundiais de Pontevedra, e fíxoo rodeado de polémica e afectando á gran esperanza local, Susana Rodríguez Gacio, que levou a medalla de prata.
Unha sanción no sector ciclista privou á viguesa do ouro mundial na proba da casa, penalización moi protestada e que a fixo entrar entre bágoas en meta.
"Paramos no penalti box, hai que parar un minuto e a oficial encargada de controlar estaba apoiada encima da mesa, a miña guía Sara pegoulle tres ou catro golpes, e a señora que se ve que non sabía o seu labor díxonos que nos fósemos e que tiñamos que facer o penalti na carreira, eu se que iso non é así porque levo moitos anos competindo pero en vista diso fómonos, perdemos igual 40 segundos e xa a partir de aí xa non conseguín volver estar en carreira", explicou Susana unha vez acabada a carreira.
Esta sanción, cando ían na cabeza, resultou decisiva, e é que a italiana Francesca Tarantello acabou impoñéndose na categoría PTVI cun tempo de 1:07:19, entrando Susana Rodríguez segunda en meta a 32 segundos, sendo terceira a francesa Annouck Curzilla.
"É moi triste que haxa oficiais controlando as carreiras que non saben que é o que teñen que facer, e é moi triste a Federación Internacional de Tríatlon que tanto presume de igualdade e de que o deporte feminino se trata igual, é unha vergoña que nos poñan unha sanción por bloquear a uns mozos que tiñan por onde pasar. Espero que World Triathlon tome cartas no asunto porque é unha vergoña que nun Campionato do Mundo, que é a proba máis importante de clasificación para París, que pase algo así", queixouse Susana expresando o sentimento do todo o equipo nacional, cuxa intención é reclamar o resultado.
En canto á carreira, Susana Rodríguez quixo agradecer "o apoio de toda a xente de Pontevedra, non só hoxe senón todos estes días e ao longo destes últimos anos".
A competición de paratriatlón foi a encargada de abrir a xornada de competición de sábado con máis de tres horas de actividade e grandes momentos deportivos polas rúas de Pontevedra.
Competición de paratríatlon na Gran Final das Series Mundiais
Susana Rodríguez, unha das principais bazas do equipo nacional nos campionatos do Mundo de Pontevedra, levou a medalla de prata en paratríatlon, pero fíxoo cun sabor amargo, entrando na meta con bágoas nos ollos por unha polémica sanción que lle fixo perder o ouro
© Mosrey Fotografía
Relacionadas:
-
O triatleta do CGTD Lucas García Picón, na UCI tras sufrir un accidente mentres adestraba
Por Redacción |
-
Optar a repetir outra Gran Final das Series Mundiais?: "Está aberta esa posibilidade"
Por Diego Espiño |
-
"As próximas sedes terán que mirar a Pontevedra para ver como facer unha Gran Final"
Por Diego Espiño |
-
Beth Potter reina en Pontevedra e pon o broche a unha inesquecible Gran Final das Series Mundiais
Por Diego Espiño & Mosrey Fotografía |
-
Unha caída saíndo do hotel deixa sen Gran Final á galega Sara Guerrero: "Era o día máis importante da miña vida"
Por Diego Espiño |
-
Posto 16 para Natalia Castro nun Mundial Sub-23 gañado pola alemá Klamt: "Hoxe non tiña máis pernas"
Por Diego Espiño & Mosrey Fotografía |
-
Os Grupos de Idade botan o resto para dar cor e bo ambiente ás Series Mundiais
Por Diego Espiño & Mosrey Fotografía |
-
Pontevedra, ateigada, exhíbese ao mundo nunha emocionante Gran Final Masculina
Por Diego Espiño & Mosrey Fotografía |
-
Os triatletas réndense a Pontevedra: "Nunca vivira unha carreira así, con tanta xente animando"
Por Diego Espiño & Mosrey Fotografía |
-
O lugués Esteban Basanta brilla no Mundial Sub-23 que gaña o alemán Simon Henseleit
Por Diego Espiño & Mosrey Fotografía |
-
O Mundial de Paratriatlón deixa imaxes espectaculares nas rúas de Pontevedra
Por Redacción & Mosrey Fotografía |
-
A Boa Vila é unha festa deportiva… e cultural
Por Mónica Patxot & Redacción |
-
Os grupos de idade, os primeiros en vivir a festa do tríatlon
Por Diego Espiño & Mosrey Fotografía |
-
Mires onde mires... Hai un triatleta en cada esquina
Por Almu Dapena & Mónica Patxot |
-
Chegou o día! Pontevedra vive con "orgullo colectivo" o inicio da Gran Final das Series Mundiais
Por Diego Espiño & Mónica Patxot |
-
World Triathlon concede a medalla de prata en sustentabilidade á Gran Final de Pontevedra
Por Redacción |
-
Cinco galegos nunha armada española que afronta sen complexos a Gran Final: "É como correr no patio da casa"
Por Diego Espiño & Mónica Patxot |
-
Natalia Castro, a gran esperanza local na Gran Final: "Sairei a gozar e o resultado virá por si só"
Por Diego Espiño & Mónica Patxot |