A pontevedresa Carla Goyanes quedou este sábado a só dous segundos de proclamarse campioa de España de augas abertas, na categoría junior.
A deportista do Club Natación Galaico levou iso si a medalla de prata en Sevilla, sede da competición, tras unha vibrante proba dos 7,5 quilómetros.
Goyanes mantivo opcións de título ata o final entrando na meta cun tempo de 1 hora, 38 minutos e 32 segundos, e sendo superada unicamente nos últimos metros por Aroa Silva (A.D. Manuel Llaneza). Terceira foi a portuguesa Catia Agostinho a só un segundo.
Este resultado abre de pao a pao as portas do equipo nacional á pontevedresa para o Campionato de Europa Junior de Augas Abertas que se disputará en xullo en Malta, a falta de que se produza confirmación oficial da súa convocatoria.