O mellor triatleta de todos os tempos, Javier Gómez Noya, decidiu romper relacións coa federación autonómica renunciando a competir baixo licenza galega.
Esta decisión prodúcese por "unos hechos muy graves acontecidos contra mi persona de cierta persona que representa a la federación", segundo desvelan este martes os xornalistas Paulo Alonso e Antón Bruquetas en La Voz de Galicia.
O pentacampión do Mundo prefire polo momento non profundar no asunto, aínda que esta publicación sinala a que as discrepacias refírense á relación co que foi o seu adestrador, Omar González, actualmente responsable do grupo de elite de tríatlon no Centro Galego de Tecnificación Deportiva de Pontevedra.
A partir de agora, Gómez Noya competirá con licenza nacional, aínda que a decisión non supoñerá máis cambios, xa que seguirá adestrando habitualmente na cidade de Lérez e representando nas competicións ao Cidade de Lugo Fluvial.
A Federación Galega de Tríatlón ten previsto reunirse de urxencia para valorar esta decisión antes de pronunciarse de maneira oficial respecto diso.