Importante vitoria a conseguida este martes por Jéssica Bouzas na súa estrea no cadro principa do WTA 1.000 de Roma, un dos principais torneos da tempada en terra batida.
A tenista arousá avanzou a segunda rolda de cadro tras superar unha dura batalla fronte á estadounidense Ann Li, número 59 do ranking mundial.
Foron 2 horas e 20 minutos de intenso partido decidido no desempate.
Bouzas levou a primeira manga por 6-3, pero cedeu na segunda por 5-7.
Despois resistiu cando ía en desvantaxe, coa súa rival chegando a sacar para pechar o partido, para forzar o tie break e acabar vencendo nun partido que confirma as boas sensacións mostradas hai poucos días no WTA.1000 de Madrid.
Con Roland Garros xa cada vez máis preto, Jéssica Boouzas buscará chegar o máis lonxe posible en Roma, aínda que na segunda rolda espéralle unha dura rival.
Esa tenista será a ucraína Elina Svitolina, actual número 14 das listas pero que chegou a ser a terceira mellor do Mundo.