David Barreiro, actual vicepresidente do Leis Pontevedra FS, asumirá temporalmente as funcións de presidencia da entidade "mientras dure el proceso judicial" aberto contra o dirixente do club José Antonio Nieto, acusado por tres xogadoras dun suposto delito contra a súa integridade moral.
Nieto aclara que "no es una dimisión", pero se aparta a un segundo plano "para no perjudicar más la imagen club" tras estimar parcialmente a Audiencia Provincial o recurso interposto polas futbolistas e instar o xulgado de instrución a tomar declaración ás partes.
José Antonio Nieto: "No dimito, me aparto para no perjudicar más la imagen del club"
"Me defenderé de las graves acusaciones esperando que todo se solucione para volver a la normalidad", explicou o dirixente a PontevedraViva.
Nieto asegura que a tramitación da denuncia "por un lado me alegra", xa que supón "que ahora puedo defenderme, porque a mí no se me escuchó".
O CLUB TRAMITA A BAIXA FEDERATIVA DAS XOGADORAS APARTADAS
Por outro lado a directiva do Leis confirmou a tramitación na Federación Española de Fútbol da baixa federativa das futbolistas que permanecían apartadas, entre elas as tres denunciantes, e que desta forma quedan definitivamente desvinculadas do club.