O Arosa continúa coa planificación da próxima tempada na que xogará en 2ª RFEF. A ausencia coa que contará é a de Kilian Villaverde, que non seguirá vestindo as cores arlequinadas tal e como anunciou o club este sábado.
O barcelonés de 23 anos chegou ás filas do Arosa no mercado de inverno procedente do Terrassa, xogando 950 minutos e marcando 6 goles co club arlequinado e converténdose así nun dos xogadores clave no ascenso do equipo.
"Cheguei no mercado de inverno co obxectivo de devolver ao Arosa á categoría na que merece estar", comentou Kilian na súa despedida en redes sociais.
Pola súa banda, o club agradece "a súa implicación e dedicación durante a súa estancia no equipo" e lémbralle que "sempre estará nun lugar destacado deste club como partícipe do ascenso no noso 75 aniversario".
Engade Pontevedra Viva como fonte preferida de Google de balde
Mantente informado coas últimas noticias de actualidade.