O Pontevedra Club de Fútbol xa coñece cal é o seu rival na eliminatoria de cuartos de final da Copa Federación, á que accedeu tras remontar o pasado mércores ante o Burgos.
Trátase da Unión Montañesa Escobedo, actual terceiro clasificado do grupo cántabro da Terceira División e que chega aos cuartos de final tras deixar no camiño ao Langreo asturiano.
A Real Federación Española de Fútbol fixou os encontros, á espera dun posible acordo entre os clubs, para os días 8 e 22 de febreiro.
A ida disputarase no Estadio Municipal de Pasarón e a volta no Estadio Eusebio Arce da localidade cántabra de Escobedo de Camargo.
O resto de eliminatorias da competición copeira son: Villafranca- Logroñés, Plasencia-Atlético Saguntino e Betis B-Ontinyent.