Destacado papel do Club Natación Galaico no XII Campionato Galego de Longa Distancia, que organizou a pasada fin de semana no Complexo Deportivo Rías do Sur de Pontemuiños.
O club pontevedrés finalizou a competición, celebrada na piscina de 25 metros e con cronometraxe manual, como o mellor equipo dos nove participantes.
O Galaico terminou con 149 puntos, polos 108 do Natación Riveira e os 104 do Liceo, equipos que lle acompañaron no podio.
A nivel individual as pontevedresas Águeda Cons, Paula Goyanes e Iria García impuxéronse nas categorías junior 1, junior 2 e senior respectivamente.
Ademais Ana Pérez colgou a prata en junior 2 e Daniel Sánchez e Cristian Fernández foron bronce en categoría junior 2 e senior respectivamente.