O próximo pleno municipal debaterá a necesidade de sacar a concesión o servizo de bar e cafetería no campo de fútbol da Xunqueira.
Farao tras presentar o Partido Popular unha moción respecto diso para "instar al gobierno municipal a que lo antes posible licite el contrato", explicou o concelleiro do PP Tomás Abeigón.
O servizo permanece pechado desde decembro de 2015, cando expirou a última prórroga concedida á concesión. Desde entón, aínda que segundo o edil da oposición na xunta reitora do Intituto Municipal de Deportes chegouse a asegurar que se estaba tramitando o novo contrato "no encontramos ningún expediente al respecto", sinalou.
"No exageramos si decimos que utilizan la instalación miles de personas al año", alegou Abeigón, que cualificou de "dejadez y abandono" a situación do deporte local.
O último contrato de concesión do servizo de bar no campo da Xunqueira fixaba tres anos o período de explotación (2009 a 2012) e a posibilidade de prorrogar o servizo ata a data sinalada de 2015.