O pavillón da Cidade Infantil de Príncipe Felipe quedou pequeno para acoller aos competidores do XIX Torneo Internacional Cidade de Pontevedra de taekwondo.
Máis de 1.300 deportistas déronse cita nun evento que invadiu a instalación no medio dun gran ambiente.
A maior parte dos participantes, de ata 60 clubs de España e Portugal, competiu durante unha intensa xornada de sábado, na que se disputou a modalidade de combate.
Para o domingo quedou a técnica, o freestyle e a exhibición que pon fin a unha nova edición dun evento convertido en multitudinario e empeñado en demostrar o arraigamento do taekwondo na cidade.