O mes de febreiro pode ser clave no futuro do Pontevedra Club de Fútbol e o seu obxectivo de pelexar polo primeiro posto de grupo e por tanto polo ascenso directo a Primeira RFEF. Por ese motivo desde o club granate habilitaron unha promoción para os dous encontros que xogará de maneira consecutiva en Pasarón, os días 18 e 25 de febreiro.
Tras o desprazamento a Guijuelo da próxima fin de semana, os granates recibirán na casa o Coruxo (domingo 18, 17.00 horas) e un dos rivais directos polo primeiro posto, o Zamora (domingo 25, 17.00 horas).
Para estes dous choques a entidade de Pasarón permitirá aos seus abonados retirar ata dúas entradas para a súa mesma bancada a metade de prezo, podendo facelo a través da web do Pontevedra ou nas oficinas do estadio en venda anticipada.
En canto aos prezos para público xeral, mantéñense sen cambios con respecto a datas recentes, con billetes a 20 euros en Tribuna, 15 euros en Preferencia e 10 euros nos fondos (15, 10 e 8 euros respectivamente para afeccionados en idade xuvenil).
ENTRADAS | Febreiro á beira do Lérez
— Pontevedra CF (@PontevedraCFSAD) February 6, 2024
Promoción para abonados para os próximos dous encontros en Pasarón
@CoruxoFCoficial | Domingo 18 | 17:00
@ZCFoficial | Domingo 25 | 17:00
Ata 2 entradas por partido ao 50% para abonados #UPQSC pic.twitter.com/8j0GNB51gH