O Campionato de Europa Xuvenil de balonmán que se celebrará entre o 12 e o 22 de agosto en Croacia terá acento pontevedrés.
Tres xogadores do Club Cisne Balonmán foron incluídos na convocatoria final para o torneo ofrecida polo seleccionador nacional e técnico do club pontevedrés, Javier Fernández ' Jabato'.
Trátase do gardameta Pablo González, o extremo Carlos Álvarez e o pivote Daniel Virulegio, presentes xa nas últimas concentracións dos Hispanos Xuvenís.
Os 16 xogadores convocados foron citados o próximo 1 de agosto en Madrid, onde levarán a cabo o último stage de preparación antes da cita continental con dous amigables previstos fronte a Portugal (5 e 7 de agosto).
A Selección Española Xuvenil medirase en Croacia aos equipos de Suecia, Hungría e Israel dentro do Grupo B da competición.