Contratempo inesperado para Saleta Castro na que será a súa última bala para tentar clasificarse para o Campionato do Mundo Ironman de Kona (Hawaii).
A triatleta pontevedresa atópase xa en Maastricht (Holanda) onde a fin de semana buscará un podio nun novo Ironman que lle outorgue os puntos suficientes para chegar a Hawaii.
Co que non contaba Saleta é con que a compañía aérea que lle trasladou este domingo ata os Países Baixos, desde Barcelona, perdese a súa bicicleta.
Así o recoñeceu a propia deportista pedindo a través das redes sociais explicacións á compañía Vueling.
donde esta mi bici? @VuelingClients @vueling he llegado a Maastricht y nadie sabe decirme donde estan mis cosas. pic.twitter.com/a7Y0lsUwzt
— Saleta Castro (@Saletacastro) 25 de julio de 2016
A aerolínea pola súa banda respondeulle asegurando que "estamos haciendo lo posible para localizarla cuanto antes".
@Saletacastro Estamos haciendo lo posible para localizarla cuanto antes. Saludos 2/2
— Vueling Airlines (@vueling) 25 de julio de 2016
Tras horas de xestións Saleta Castro recibiu confirmación de que a súa bicicleta, imprescindible para poder competir, atópase en Marrocos, pero está a atoparse con problemas para que a envíen a Holanda xa que Vueling, asegura, pretende enviala a Pontevedra.
Mi bici esta en Marruecos,la quieren enviar a Pontevedra no hay manera de contactar con ellos para cambiar la direccion de destino @vueling
— Saleta Castro (@Saletacastro) 26 de julio de 2016