O barrio da Parda acolleu este sábado 22 de novembro o mercado de troco e segunda man Segundo Premio, con notable participación de particulares, asociacións e comercios especializados.
Ata a zona achegábase a concelleira de Promoción Económica, Anabel Gulías.
Na Praza da Citara, fronte ao centro social Zona Leste, a veciñanza tivo ocasión de intercambiar e adquirir todo tipo de artigos en bo estado, como xoguetes, mobiliario ou roupa.
Ao mesmo tempo, o espazo acollía obradoiros para a infancia e un ambiente festivo durante a sesión vermú.
A actividade, que forma parte da programación A pé de rúa, rexistrou unha alta demanda, con máis de trinta persoas inscritas e lista de agarda.
Para participar nas próximas convocatorias, é posible inscribirse a través do correo apederua@gmail.com.
A seguinte edición do mercado Segundo Premio celebrarase o 29 de novembro no barrio do Gorgullón, entre as 11.00 e as 16.00 horas, cunha nova aposta por dar unha segunda vida a determinados obxectos que xa non se usan.