Os moteiros máis solidarios volverán visitar Marín este Nadal para recoller alimentos en pro dos máis desfavorecidos.
O concelleiro Manuel Santos e representantes da asociación de Moteiros Solidarios de Galicia presentaron esta mañá a Papanoelada moteira, que terá lugar o sábado 18 de decembro a partir das 17 horas.
Está previsto que a saída sexa da porta da Escola Naval, onde se instalará unha furgoneta para que cada motero poida depositar alí os alimentos non perecedoiros que queiran donar.
A caravana percorrerá o vial de Praias, Seixo, Santomé, o Lavadoiro de Troncosa, O Campo, a Rotonda da Torre, a Baixada de Mirón, Ezequiel Massoni, Jaime Janer, Concepción Arenal, Raimundo Vázquez, Lameiriña e Banco Bilbao para rematar na parada na Alameda Rosalía de Castro.