A creatividade chegou á Lama estes días cun obradoiro de papiroflexia organizado pola Oficina Municipal de Información Xuvenil (OMIX).
Nenos e nenas, acompañados polas súas familias, aprenderon no Multiusos a dobrar e recortar papel de xornal para dar vida a simpáticos Reis Magos cos que decorar os fogares mentres agardan pola visita das Súas Maxestades de Oriente.
A xornada destacou polo bo humor e pola implicación dos máis pequenos, que se converteron nos auténticos protagonistas da tarde, tanto no proceso de creación como nos xogos organizados.
Á espera dos Reis Magos, o Concello propón así unha actividade diferente para compartir tempo en familia e fomentar a creatividade durante as festas.
A cabalgata de Reis da Lama adiántase ao sábado 3 de xaneiro, ás 17:30 horas.
Chegarán en sidecar e está prevista unha recepción real no Centro Multiusos.
Tamén está prevista unha chocolatada e a posibilidade de obter unha fotografía de recordo da visita de Melchor, Gaspar e Baltasar, mantendo a tradición e a ilusión de cada Nadal.