A reforma do colexio Froebel, segundo Educación, comezará este mesmo ano
Por Redacción
Entre febreiro e marzo. Esa é a data na que, segundo a Xunta de Galicia, vaise a licitar as obras de reforma do colexio Froebel, en Pontevedra. Estes traballos comezarán este mesmo ano e estenderanse durante parte do 2025.
Así llo trasladou este martes o xefe territorial da Consellería de Cultura, Educación, FP e Universidades, César Pérez Ares, ao director do colexio e a membros da ANPA.
No transcurso da xuntanza, na que tamén participou a arquitecta xefa redactora do proxecto da terceira fase de rehabilitación do centro e a xefa da unidade técnica, os responsables de Educación explicaron que estas obras terán un investimento de 1,1 millóns de euros.
A reforma prevista inclúe a reparación integral das cubertas que faltan por mudar, unha superficie de case 1.500 metros cadrados, que terán un reforzo estrutural e melloras no illamento térmico.
Así mesmo, e a petición do equipo directivo, fóronse engadido diferentes actuacións ao proxecto.
A este respecto, incluíuse o cambio de falsos teitos e luminarias na zona de aulario e a renovación do patio. Tamén se renovarán as instalacións eléctrica e de protección contra incendios, eliminarase o depósito de gasóleo e substituirase por unha caldeira de gas natural.
Esta actuación, segundo Educación, súmase ás realizadas nas dúas primeiras fases e outras melloras puntuais, o que supuxo un investimento de máis de 866.000 euros nos últimos anos.
Relacionadas:
-
A reforma pendente no Froebel non implicará reordenar o alumnado en módulos móbiles
Por Alejandro Espiño & Cristina Saiz |
-
Licitada a terceira fase das obras de rehabilitación do CEIP Froebel
Por Redacción |
-
Ás protestas do Froebel polo tellado súmanse as do colexio Barcelos polo ximnasio
Por Oskar Viéitez |
-
Novo 'Mércores Negro' no CEIP Froebel para esixir á Xunta confirmación por escrito da execución da reforma en 2024
Por Mónica Patxot & Anxo Lourido |
-
Flotadores e lentes acuáticas ás portas do colexio Froebel para denunciar as pingueiras
Por Anxo Lourido |
-
A Xunta anuncia novas obras no CEIP Froebel, EEI Concepción Crespo Rivas, IES A Xunqueira II e Frei Martín Sarmiento
Por Redacción |
-
O PSOE denuncia que a Xunta non contempla o cambio da cuberta do colexio Froebel nos orzamentos
Por Mónica Patxot & Anxo Lourido |
-
Volve entrar auga no interior do colexio Froebel, tras un verán de obras no tellado
Por Anxo Lourido |