Teresa Ribera, "dispuesta a contribuir" na renaturalización de Pontevedra
Ata Pontevedra acudiu este mércores a vicepresidenta terceira do Goberno, Teresa Ribera. Fíxoo, ás portas do inicio da campaña electoral, para protagonizar un paseo polas ribeiras do Lérez xunto a cargos e candidatos do PSdeG-PSOE.
Desde alí, sen aceptar preguntas dos xornalistas, a ministra para a Transición Ecolóxica quixo mostrar o seu apoio á estratexia Pontevedra Flúe, deseñada polos socialistas no mandato pasado, que tiña como obxectivo renaturalizar a cidade, especialmente o ámbito do Lérez.
Nun vídeo duns corenta segundos, distribuído aos medios polo PSdeG-PSOE, Ribera explica que se algo caracteriza o futuro das cidades é que deben ser cidades "verdes y sostenibles", recuperando para os seus habitantes espazos que son de dominio público.
"Es algo en lo que el ministerio está dispuesto a contribuir", sostén a vicepresidenta neste vídeo, ao entender que "sabemos que los vecinos lo quieren" e que se trata de actuacións de futuro "que darán valor y calidad de vida a la ciudad de Pontevedra".
A este respecto, Teresa Ribera lanza a luva ao goberno municipal, ao que lle pide "busquemos cómo hacerlo", asegurando que "tenemos las partidas presupuestarias y queremos hacerlo", aínda que non verbaliza en ningún momento o investimento que contemplaría o seu departamento.
O que puxo cifras a este compromiso foi o portavoz municipal socialista, Iván Puentes, que mantén que Transición Ecolóxica faría "o maior investimento que o goberno de España fixo en décadas" en Pontevedra, ata 25 millóns de euros en fondos europeos.
Servirían para financiar actuacións en todo o ámbito fluvial del Río Lérez, a Xunqueira de Alba ou todos os humidais e zonas verdes que conforman este ecosistema.
"Levamos case un ano esperando", sinalou Puentes, que asegura que o BNG leva todo ese tempo "negando que o ministerio teña vontade de facer esa obra", algo que ao seu xuízo rebate a presenza da ministra en Pontevedra e as declaracións que realizou "alto e claro".
Así, reclamou ao Concello que redacte os proxectos que están pendentes e que os remitan ao Goberno central, para que Transición Ecolóxica poida contratar e executar estas obras.
Relacionadas:
-
Abren ao público os terreos que ocupaban o parque de maquinaria e a imprenta provincial
Por Oskar Viéitez & Mónica Patxot |
-
Pontevedra e Costas "parten de cero" para deseñar proxectos "viables e razoables"
Por Alejandro Espiño |
-
Transición Ecolóxica colaborará con Pontevedra na recuperación do seu litoral
Por Alejandro Espiño |
-
Pontevedra planea unha zona de baño na Xunqueira de Alba e recuperar o canal interior da Illa das Esculturas
Por Alejandro Espiño |
-
Puentes espera que Lores "elixa o camiño correcto" e defenda os proxectos "pactados con Costas"
Por Alejandro Espiño |
-
Pontevedra Flúe?: "Quen representa ao Concello é o alcalde", asegura Lores
Por Oskar Viéitez |
-
O alcalde de Pontevedra e a ministra de Transición Ecolóxica reuniranse en Madrid o 21 de febreiro
Por Oskar Viéitez |
-
O PSdeG reivindica a Besteiro como solución aos problemas que padecen os profesionais da avogacía
Por Oskar Viéitez |
-
Os socialistas instan á cidadanía a "recuperar a alma social de Galicia"
Por Oskar Viéitez |
-
O alcalde pide unha entrevista coa ministra Ribera para concretar a súa oferta de colaboración con Pontevedra
Por Oskar Viéitez |
-
Besteiro asumirá desde a Xunta o proxecto de Pontevedra Flúe para Valdecorvos
Por Redacción |
-
Os socialistas estarán "vixiantes" para que Pontevedra non perda os 25 millóns prometidos por Transición Ecolóxica
Por Redacción |
-
Lores avoga por "darlle unha volta" a todos os proxectos das marxes do Lérez
Por Alejandro Espiño |
-
O PSOE quere converter a beira do Lérez nunha 'terraza fluvial' na que "mollar os pés"
Por Manu Otero |