A Fundación Galega Contra o Narcotráfico alerta do aumento da criminalidade derivada do tráfico de drogas
Por Redacción
Ana Pastor e Pedro Puy, deputados do Partido Popular no Congreso, mantiñan unha reunión con integrantes da Fundación Galega Contra o Narcotráfico, acompañados por representantes do grupo municipal do PP en Vilagarcía.
Durante o encontro analizaban a situación actual do narcotráfico e as posibles medidas que se deben adoptar para facer fronte a esta problemática.
A Fundación Galega Contra o Narcotráfico presentaba un documento con propostas para mellorar a loita contra o tráfico de drogas en España, un traballo realizado tras manter reunións con xuíces, avogados e forzas de seguridade.
Fernando Alonso, xerente da Fundación, manifestaba que a intención é que o plan poña na primeira liña de debate o problema do tráfico de drogas para reverter a situación actual. Puxeron como exemplo o asasinato de dous axentes da Garda Civil en Barbate.
Detectan que estas accións de movemento de droga continúan aumentando en moitas zonas de España onde a criminalidade derivada do narcotráfico comeza a ser "crítica".
Alertan da falta de medios humanos e materiais das forzas de seguridade para facer fronte á situación; a saturación dos xulgados que imposibilita axilizar as condenas e a necesidade de plans específicos en cada zona, entre outras cuestións.
Os representantes populares, a través de Ana Pastor, manifestaban que se trata dun problema moi grave tanto a permisividade como a falta de sensibilidade social e política con esta situación. Avoga por un aumento das penas aos narcotraficantes e comprometeuse a solicitar a intervención de integrantes da Fundación no Parlamento.
Relacionadas:
-
Detido un veciño de Meaño polo roubo na Confraría de pescadores de Sanxenxo
Por Oskar Viéitez |
-
Denuncian as agresións a nove gardas civís de Pontevedra nas protestas agrícolas
Por Oskar Viéitez |
-
Concentracións en repulsa dos asasinatos de dous gardas civís en Barbate
Por Oskar Viéitez |
-
"Fariña" non vulnerou a honra de Laureano Oubiña
Por Redacción |
-
"Estupor e preocupación" na Fundación Galega contra o Narcotráfico polas saídas de prisión de Sito Miñanco
Por Redacción |
-
O narcobuque 'MV Karar', vinculado a Santórum e apresado en pleno confinamento, poxado por 156.000 euros
Por Natalia Puga |
-
"O tráfico de haxix está banalizado como parte da paisaxe e non ten a repercusión que debería ter"
Por Natalia Puga |