Sanxenxo participará no Foro Internacional de Cidades Abertas como exemplo de proxección turística
Por Redacción
O Concello de Sanxenxo foi convidado a participar no I Foro Internacional de Cidades Abertas que terá lugar o próximo 29 de abril en Fuengirola. Desde o Concello anfitrión a súa alcaldesa cursou dita invitación dada a “admiración polos aspectos que o fan destacar como destino de calidade”.
A convocatoria que se desenvolverá co lema 'Turismo e xestión do éxito' quere contar coa participación do municipio pontevedrés para que precisamente expoña a súa xestión para proxectar Sanxenxo como destino turístico. Neste foro participarán representantes de cidades e países que destacan polo equilibrio e a sustentabilidade na xestión turística.
Será o concelleiro de Turismo, Juan Deza, quen viaxe a Fuengirola do mesmo xeito que o fixo esta semana á ITB de Berlín, onde a oferta de Sanxenxo estivo presente na caseta de Turismo de Galicia. Esta cita alemá é unha plataforma de negocio para o sector turístico no que tomaron parte máis de 180 países.
Relacionadas:
-
A primeira promoción do ciclo de cociña e restauración de Vilalonga comeza as súas prácticas
Por Redacción |
-
O 2023 foi "un ano de récord" para Sanxenxo, segundo a empresa Civitatis
Por Redacción |
-
Así será o futuro espazo multifuncional para eventos do Pazo de Quintáns
Por Redacción |
-
Seis empresas optan a executar a humanización da contorna do miradoiro da Peixeira
Por Redacción |
-
Acondicionan o sendeiro da praia de Major coa renovación do valado e da ponte
Por Redacción |