Avanzan na mellora da iluminación na estrada entre Borela e Almofrei
Por Redacción
O treito da estrada estrada PO-233 que discorre entre Borela e Almofrei é obxecto de atención por parte do Concello de Cerdedo-Cotobade.
Co fin de mellorar a visibilidade nesta zona, o alcalde Jorge Cubela recorrerá á Deputación de Pontevedra para levar a cabo o proxecto.
A actuación consistiría na colocación de cinco novos báculos troncocónicos de aceiro galvanizado e a substitución de 23 luminarias.
A licitación destes traballos sería por un importe de 25.434 euros, cun prazo máximo de execución de 45 días.
Segundo manifestou o rexedor, a intención do Concello é acceder á liña de axudas do Plan +Provincia para mellorar a seguridade nocturna nunha estrada especialmente utilizada pola veciñanza, xa que vertebra a unión entre a capital municipal e Pontevedra a través da estrada PO-233.
Ademais, aproveitarase esta intervención para substituír 23 luminarias noutros tantos farois existentes por outras lámpadas de nova tecnoloxía LED, que permite ofrecer unha mellor calidade lumínica ao tempo que reduce substancialmente o consumo enerxético.
Relacionadas:
-
Comezan as obras de mellora de acceso a un núcleo de vivendas de Ponte Borela
Por Redacción |
-
O Museo de Pontevedra e o castelo de Soutomaior terán puntos de recarga de vehículos eléctricos
Por Oskar Viéitez |
-
A Deputación adxudica as obras de mellora integral da estrada provincial A Xesteira- Almofrei
Por Oskar Viéitez |
-
Xesteira estrea a súa nova senda peonil pola PO-233
Por Redacción |