A rebaixa da peaxe entre Vigo e Pontevedra aplicarase a finais de xaneiro ou principios de febreiro
Por Redacción
O desconto da peaxe da AP-9 entre Vigo e Pontevedra poderase implementar, segundo o conselleiro de Infraestructuras Agustín Hernández, entre finais de xaneiro e principios de febreiro de 2013, "parece que o Ministerio está manexando a posibilidade de que o convenio que desenvolva definitivamente ese protocolo poidase tramitar no Consello de Ministros no mes de xaneiro. Polo tanto, esperemos que se poida implementar a finais de xaneiro ou principios de febreiro".
Hernández defendeu o protocolo asinado pola ministra Ana Pastor con Audasa malia as críticas recibidas por usuarios doutros tramos da autopista que ven na medida un agravio, "é evidente que existe un agravio desde o momento que temos autovías gratuitas para uns percorridos, fronte a autopistas de peaxe para outros percorridos".
O conselleiro confía en que a medida, que supón a gratuidade da peaxe entre Pontevedra e Vigo na viaxe de volta e con certas restriccións, poida equilibrar o custo por quilómetro da autopista AP-9.