O novo goberno da Deputación dotará á oposición de "recursos suficientes" para facer o seu traballo de control
Por Oskar Viéitez
A presidenta da Deputación de Pontevedra, Carmela Silva, adiantou que o novo goberno da administración provincial dotará á oposición de "recursos suficientes" para facer o seu traballo de control.
"Creo que a democracia se constrúe tamén dando recursos, materiais económicos e humanos, para que a oposición poida exercer con dignidade o seu papel", di Carmela Silva.
A presidenta da Deputación non quixo adiantar ningún aspecto do pleno que se celebrará este venres no Pazo Provincial aínda que sinalou que "trátase do pleno de organización" onde se aprobarán as normas de funcionamento da corporación e os medios para o desenvolvemento do traballo dos distintos grupos.
Carmela Silva fixo este xoves a súa primeira visita ao ORAL, o organismo de xestión tributaria e catastral da entidade provincial que presta "un servizo fundamental" aos concellos que "teñen serias dificultades" para realizar este servizo "tan complexo" e que recordou "é unha competencia propia da Deputación".
Logo de saudar persoalmente a todos os funcionarios, como ven facendo ao longo desta semana, Carmela Silva comentou que lle parece "triste que os traballadores públicos conozcan os políticos só polos medios de comunicación" e sinalou que con estas visitas tamén pretende conocer "as súas ideas e plantexamentos porque son eles os que coñecen en primeira persoa as demandas dos cidadáns".
Relacionadas:
-
A Deputación substitúe os 56 programas de axudas aos pequenos concellos por un fondo local de investimentos
Por Oskar Viéitez |
-
O novo goberno provincial convoca aos alcaldes dos pequenos concellos
Por Redacción |
-
O PP contradí ao novo goberno da Deputación e asegura que o custo do seu organigrama aumenta "nun 60%"
Por Redacción |
-
O novo organigrama da Deputación supón un aforro dun 45% sobre o antigo do PP
Por Oskar Viéitez & Cristina Saiz |
-
Carmela Silva pide "lealdade institucional" a Feijóo e a Rueda ante as súas críticas ao novo goberno da Deputación
Por Oskar Viéitez |
-
Carmela Silva reivindica o protagonismo das mulleres no seu primeiro acto como presidenta da Deputación
Por Oskar Viéitez & Cristina Saiz |