A solidariedade dos pontevedreses supera as previsións do Banco de Alimentos
Por Redacción
Tras o cómputo oficial, esta Gran Recollida Solidaria do Banco de Alimentos conseguiu 300.000 quilos de comida o que supón 41.000 quilos de comida máis que na pasada edición.
Pontevedra, Vilagarcía, Sanxenxo, Marín e Lalín lograron 80.000 quilos; Vigo, Moaña, Ponteareas, Porriño e Mos recolleron 190.000 quilos; Val Miñor recibiu 26.000 quilos; e Baixo Miño uns 10.000 quilos.
A Fundación Provincial Banco de Alimentos agradeceu publicamente a solidariedade dos 1.500 voluntarios cos que contou e dos cidadáns que achegaron masivamente comida.
"Batemos todos os récords que nos marcabamos, a cifra de 265.000 quilos de alimentos que conseguimos o ano pasado xa nos parecía importante, así que agradecemos a magnífica resposta cidadá", sinala o presidente do Banco de Alimentos, Pedro Pereira, quen engade que esta axuda "permitiranos abastecer a persoas que o están pasando mal, polo menos, ata a primavera".
A entidade axuda na actualidade a uns 150 colectivos sociais, a través dos cales, chega a unhas 25.000 persoas en toda a provincia.
No que vai de ano 2015, repartíronse xa máis de 1 millón de quilos de alimentos.