Sheila Pazos, de gañadora en Debut a finalista do certame International Talent Support
Por Redacción
A International Talent Support (ITS) converteuse nunha plataforma para talentos emerxentes no mundo da moda. Na edición que se celebrará o próximo 16 de xullo daranse cita deseñadores de catro continentes na cidade italiana de Trieste. Entre eles atoparase a estudante de doutoramiento de Belas Artes e titulada en Esdemga en Pontevedra Sheila Pazos.
Trátase da única persoa seleccionada en España entre os 41 aspirantes de 21 países que foron proclamadas finalistas nas catro categorías deste certame. Participará na modalidade ITS Artwork coa colección que presentou para o seu proxecto de fin de estudos en Esdemga. Baixo o título Artificial Paradises, estes traballos mostráronse no Ego de Madrid Fashion Week.
Sheila Pazos ten que elaborar agora unha peza artística de parede para este certame no que obtará a dous premios que levan unha dotación de 10.000 euros. A deseñadora xa conseguira gañar coa súa colección o certame Debut.
Un total de 935 candidaturas de 78 países presentaron os seus proxectos a esta décimo quinta edición de International Talent Support. A pontevedresa foi seleccionada na modalidade de Artwork na que se valora artisticamente todo o que se presenta nas categorías de moda, accesorios e xoiería do concurso, como recolle Eduardo Muñiz no Diario da Universidade de Vigo (DUVI).
A colección de Sheila Pazos atópase inspirada no libro As cidades invisibles do escritor Italo Calvino. Partindo desa idea, Pazos decidiu recrear unha serie de paisaxes imaxinarias en forma de peza de vestir.
Relacionadas:
-
Unha década subindo deseños pontevedreses á pasarela
Por Redacción |
-
Queres ser modelo? Esdemga ofréceche a oportunidade de desfilar en Debut 2016
Por Redacción |
-
A estudante de moda Sheila Pazos viaxa cos seus "Paraísos artificiais" á Madrid Fashion Week
Por Redacción |
-
Os paraísos artificiais impóñense en Debut 2015
Por Diego Torrado |
-
A pontevedresa Sheila Pazos, premio 'Xuventude Crea' na modalidade de moda
Por Redacción |