O colexio de Primaria do Sequelo estrea comedor
Por Redacción
O colexio de Primaria do Sequelo conta ao fin cun comedor, que poderá ser utilizado a partir do próximo curso escolar.
Este comedor escolar, que contará tamén co Plan Madruga, dará ademais servizo ao Centro de Ensinanza Infantil Virxe do Carme, que poderá usalo como complentento do centro educativo.
Os directores de ambas as escolas, acompañados pola alcaldesa de Marín, María Ramallo, e a concelleira de Benestar Social, Marián Sanmartín, inauguraron este martes o novo espazo.
Os traballos consistiron na remodelación dunha aula, acondicionada agora para poder servir de comedor e facilitar a conciliación familiar en ambos os centros.