Acordo para utilizar o espazo peonalizado en Barcelos como patio do colexio
Por Alejandro Espiño
Unha xuntanza a tres bandas entre o Concello, a Consellería de Educación e a dirección do colexio de Barcelos permitiu desbloquear a posibilidade de que os nenos e nenas que estudan no centro poidan utilizar o espazo recentemente peonalizado da praza de Barcelos.
Así o vén de anunciar o goberno municipal. Para que sexa unha realidade e se poida pór en marcha neste mes de setembro, a dirección do centro comprometeuse a levar o asunto ao Consello escolar e ao Claustro para elevar unha petición ao Concello para o uso da praza como patio do colexio durante o período escolar.
Dende o Concello farase un informe favorable, e con esta autorización a Consellería de Educación comprometeuse a aumentar a póliza de seguros do centro para incluír a praza como espazo de recreo durante o período escolar
A praza é pública e estará a disposición de todos os veciños de Pontevedra, pero durante as mañás a praza tamén estará a disposición do colexio para que realicen nela todas as actividades educativas que desexen.
Con este acordo, o Concello de Pontevedra celebra ter acadado que se poida facer uso do novo espazo con equipamentos deportivos e o parque infantil para lecer de todos os que queiran empregalo, pero tamén se consegue mellorar as instalacións do centro escolar que, pola súa situación, son un tanto escasas.
Relacionadas:
-
Os alumnos de Barcelos estrean a praza como patio do colexio
Por Oskar Viéitez & Mónica Patxot |
-
Pista libre para que 400 estudantes poidan xogar en Barcelos
Por Mónica Patxot & Anxo Lourido |
-
Os escolares do CEIP de Barcelos xa poden utilizar as novas instalacións da praza
Por Anxo Lourido |
-
A ampliación do parque infantil de Barcelos, pendente dunha visita técnica
Por Alejandro Espiño |
-
Barcelos contará con dúas pistas polideportivas con porterías e canastras
Por Redacción |
-
O colexio de Barcelos recuperará a segunda clase de Infantil ao aumentar as solicitudes de prazas
Por Redacción |
-
A comunidade escolar de Barcelos fai novas achegas para a reforma da praza
Por Redacción & Mónica Patxot |