A ventresca de bonito do norte en aceite de oliva é a protagonista desta segunda entrega de "A cociña gourmet en conserva", unha selección de receitas sinxelas e exquisitas, grazas á calidade das Conservas PESCAMAR.

A parte do bonito do norte máis exquisita e valorada pola alta cociña é a ventresca. PESCAMAR achégaa a todos os fogares a través da súa gama gourmet. A presentación en conserva favorece a preservación dos seus altos valores nutricionais e delicado sabor.

Recibe o seu nome ao acharse situada na zona do ventre do bonito, onde se concentran proteínas de alto valor biolóxico e ácidos graxos idóneos para reducir os riscos de enfermidades cardiovasculares.

A preparación á provenzal é un estilo de cociña mediterránea baseado en tres ingredientes tradicionais: allo, aceite de oliva e tomate. Esta salsa provenzal admite diferentes variacións, a máis habitual con perexil picado ou albáfega.

Para preparar unha deliciosa ventresca de bonito do norte gourmet de PESCAMAR á provenzal, necesitamos os seguintes ingredientes:

- 250 gramos de cebola

- 2 culleradas sopeiras de aceite de oliva

- 1 vaso de viño branco

- 1 vaso de caldo ou auga

- 1 tomate seco

- 1 cullerada sopeira de fariña

- 2 latas de ventresca de bonito do norte gourmet de PESCAMAR

- 1 dente de allo, sal e pementa

- 1 folla de loureiro, paprica e pan relado

Preparación:

Picar a cebola moi fina e dourar nunha tixola coas dúas culleradas de aceite de oliva. Engadir o allo machucado previamente e o loureiro.

Espolvorear con fariña e remover ben evitando que se formen grumos. Incorporar o viño, o caldo (ou auga), o sal, a pementa, a paprica e o tomate seco.

Cocer a lume lento, removendo, sen deixar espesar. Nunha fonte para forno, poñer as dúas latas de ventresca de atún gourmet PESCAMAR e engadir o aceite da conserva.

Verter a salsa sobre o atún. Espolvorear abundantemente con pan relado.

Deixar no forno 10 minutos aproximadamente.

Pódese presentar a ventresca en filetes ou cortada en anacos e acompañala dun arroz en branco ou unhas patacas panadeira.

As conservas gourmet ofrécennos unha ampla variedade de posibilidades que vos seguiremos ofrecendo en próximas entregas de "A cociña gourmet en conserva", con Conservas PESCAMAR.