Escalivada catalá con ventrecha de bonito do norte gourmet de Conservas Pescamar

Os alumnos do Carlos Oroza reinventan a escalivada catalá con ventrechas Pescamar

Por Noticia patrocinada
Martes 27 de Febreiro, 2018 ás 07:00 do Martes 27 de Febreiro, 2018

Empratando a escalivada con ventrecha Pescamar
© CIFP Carlos Oroza

Ventrecha de bonito do norte gourmet de Conservas Pescamar
© Conservas Pescamar

Gama de enlatados Pescamar
© Conservas Pescamar

"A cociña gourmet en conserva" regresa ás aulas do Centro Integrado de Formación Profesional Carlos Oroza. Alumnos e profesores únense para acometer o reto de reinventar un prato tradicional, no que as Conservas Pescamar toman protagonismo. A continuación, poderemos comprobar como son quen de superar esta proba con nota.

O produto Pescamar elixido é a lata gourmet de ventrecha de bonito do norte. A súa exquisita textura fúndese coas delicias da horta que compoñen a escalivada, a tradicional ensalada orixinaria de Cataluña, a base de verduras asadas e cortadas en tiras, principalmente pementos, berenxenas e cebolas.

Para preparar unha deliciosa Escalivada catalá con ventrecha de bonito do norte gourmet Pescamar, os futuros chefs do Carlos Oroza propóñennos os seguintes ingredientes:

- 1 lata de ventrecha de bonito do norte gourmet de Conservas Pescamar

- Cebola (500 grs)

- Berenxena (500 grs)

- 1 pemento

- 1 cabeza de allo

- 1 dl. de aceite de oliva virxe extra

- 1 ramallete de pirixel

- Rúcula (varias follas)

- Sal e pementa

Elaboración:

Asamos no forno a 180 graos as hortalizas sen pelar durante 35-40 minutos, tendo en conta que haberá que estar pendente dos pementos, que se cociñan antes. Deixamos arrefriar 15 minutos.

Pelamos todo e reservamos o zume que vaia soltando. Cortamos en tiras grosas.

Machucamos os allos co pirixel, o sal e a pementa.

Engadimos o zume do asado e o aceite de oliva virxe extra.

Aderezamos a ensalada co machucado.

Empratamos coa ventrecha de bonito do norte gourmet de Conservas Pescamar de xeito harmonioso.

En dúas semanas, os produtos do mar serán de novo protagonistas dunha nova receita de "A cociña gourmet en conserva" de Conservas Pescamar e, nun mes, coa proposta dos alumnos e profesores do Centro Integrado de Formación Profesional Carlos Oroza.