A Peregrina amence sen a escultura do Loro Ravachol
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
![](/web/cache/scene/uploads/fotos/foto/204/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5c0cf5536c-img-20181209-wa0002.jpg)
© Policía Local de Pontevedra
Pontevedra amenceu diferente este domingo, sen a que se converteu en poucos anos nunha das imaxes preferidas polos veciños, a do popular Loro Ravachol na Praza da Peregrina.
A escultura de Ravachol, símbolo do entroido pontevedrés, foi arrincada durante a madrugada do lugar que ocupaba, no que presuntamente se trata a un acto vandálico.
Tanto a figura como a estrutura que o suxeitaba foi arrincado desde a base.
Foi unha patrulla da Policía Local que pasaba polo lugar a que se decatou da súa ausencia, pouco antes das 8:00 horas da mañá, polo que buscaron polas inmediacións ata atopala nun lateral do santuario da Peregrina.
Segundo explicou o corpo de seguridade municipal, a escultura "só está rota pola base", sen que se produciron danos de maior consideración.
A Policía custodia agora a figura e iniciou as investigacións para tentar esclarecer o sucedido, para o que ademais de recompilar información de posibles testemuñas ten previsto revisar as cámaras de seguridade da zona.
Relacionadas:
-
Ravachol regresa á Peregrina para reinar no Entroido
Por Oskar Viéitez |
-
A traxedia cebouse co mundo do mar
Por Natalia Puga |
-
Os danos nunha cabina telefónica do casco histórico reabren o debate sobre a súa retirada
Por Redacción |
-
Unha testemuña apunta a catro mozos como autores da agresión vandálica a Ravachol
Por Alejandro Espiño |