Normalidade absoluta e unha alta participación, claves da xornada electoral en Pontevedra
Por Alejandro Espiño
Creada e actualizada
Creada e actualizada
Se por algo está a destacar esta xornada electoral en Pontevedra é pola normalidade na que se celebran estes comicios xerais. Todas as mesas electorais, unhas 1.335 en toda a provincia, foron constituídas sen incidentes e quedaron abertas á hora prevista, as nove da mañá.
Desde primeira hora, a afluencia dos votantes aos colexios está a ser bastante elevada. Segundo os datos que fixo públicos o Ministerio do Interior, un 58.92% dos electores galegos votaran antes das seis da tarde. Son sete puntos máis que nas eleccións de 2016, as últimas celebradas ata agora.
En Pontevedra ese dato é algo superior. Os datos oficiais certifican que a esta hora xa votaran o 60.27% dos electores, sete puntos máis que hai tres anos. A media en toda España, con todo, aínda é maior ao alcanzar un 60.75%, nove puntos máis.
Mantense, por tanto, a tónica do primeiro avance. Ás dúas da tarde xa votaran o 37.68% dos pontevedreses chamados ás urnas, case dous puntos máis que nas últimas eleccións. A media nacional alcanzaba entón un 41.46%, cinco puntos máis que en 2016.
Un total de 772.631 pontevedreses están chamados ás urnas este domingo 28 de abril para elixir os sete deputados e aos catro senadores que representarán á provincia de Pontevedra nas Cortes Xerais durante o próximos catro anos.
Deles, 22.362 son mozos e mozas que poden facelo por primeira vez, tras cumprir os 18 anos.
Unha parte importante dos electores, uns 66.291 en toda Galicia, pediron votar por Correo, cifra á que hai que sumar os 22.228 votos aceptados entre os residentes ausentes e os 1.148 que o puideron facer estando temporalmente no estranxeiro.
Relacionadas:
-
A Xunta Electoral pide á Fiscalía que investigue a ausencia inxustificada de tres presidentes de mesa o 28A
Por Redacción |
-
Caras longas no PP de Pontevedra: Ana Pastor pide unha "reflexión" no partido
Por Alejandro Espiño |
-
Histórica vitoria do PSOE sobre o PP, entran Podemos e Cidadáns e BNG e En Marea quedan fóra
Por Alejandro Espiño |
-
Os políticos locais coinciden en sinalar a "importancia" de votar este domingo
Por Alejandro Espiño |