![](/web/cache/scene/uploads/fotos/foto/062/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/5d7e4c3d6a-ponte-do-burgo-valentin-garcia-escudero.jpg)
© Concello de Pontevedra
Dous carrís da avenida de Bos Aires pecharanse ao tráfico durante a instalación do paso elevado na Ponte do Burgo
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/c39/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/589e0d5147-20170210-patxot-valentin-garcia-escudero-ruinas-007.jpg)
© Mónica Patxot
![](/web/cache/scene/uploads/fotos/foto/7c8/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5d7f4f226d-peon-cruza-paso-na-ponte-do-burgo.jpg)
© PontevedraViva
![](/web/cache/scene/uploads/fotos/foto/2be/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5d7f4f52c0-ponte-do-burgo-pavimento-02.jpg)
© PontevedraViva
Este luns as obras da Ponte do Burgo entran nunha nova fase co inicio dos traballos na cabeceira sur, nas proximidades á rúa Valentín García Escudero, coa intención de trasladar o paso de peóns de forma que conecte a cabeceira da ponte coa praza na que se atopan os achados arqueolóxicos da ponte medieval.
Esta intervención obriga a que se peche un carril da avenida de Bos Aires en cada sentido entre o luns e o mércores. O peche comezará este luns ás 10.00 horas e o martes e o mércores iniciarase ás 09.00 horas.
Vaise crear un paso elevado de grandes dimensións coa idea de dar continuidade ao Camiño de Santiago, guiando aos peóns e peregrinos directamente á ponte do Burgo.
Esta semana o proxecto desenvolverase en todo o ámbito de actuación, segundo o goberno local de Pontevedra, ademais das obras na cabeceira sur tamén se executarán traballos na zona norte, no cruzamento con Domingo Fontán e Xoán Manuel Pintos. Alí está previsto crear unha praza de máis de 4.000 metros cadrados con baldosas de granito e máis de 40 árbores, mobiliario urbano e bancos.
Na ponte está a instalarse o enlousado de pedra, cunha plataforma única de 11 metros de ancho. A iluminación será rasante marcando o Camiño de Santiago. Na varanda lateral tamén se instalará tamén iluminación.
A obra conta cun orzamento de 1.326.977 euros e a iluminación ascende a 730.840 euros. Os traballos abórdanse co cofinanciamento dos Fondos Europeos de Desenvolvemento Rexional (FEDER).
Relacionadas:
-
Comerciantes e veciñanza coñecen a proposta de reordenación do tráfico no barrio do Burgo
Por Redacción |
-
A nova varanda da ponte do Burgo colocarase a partir do 9 de outubro
Por Oskar Viéitez & Cristina Saiz |
-
Os peóns estrean a nova ponte do Burgo
Por Almu Dapena |
-
Confían en poder reabrir o venres a ponte do Burgo ao tránsito peonil
Por Alejandro Espiño |
-
Costas rexeita prorrogar a concesión á gasolineira do Burgo e o Concello xa pensa en convertela en zona verde
Por Oskar Viéitez | Creada e actualizada
-
O goberno local mantén a súa postura: a ponte do Burgo permanecerá pechada ata outubro
Por Redacción |
-
Comerciantes da Rúa Real recollen sinaturas para reclamar a apertura peonil da ponte do Burgo
Por Redacción |