As rúas de plataforma única de Pontevedra reducirán o límite de velocidade a 10 km/h. para todos os vehículos
Por Cristina Saiz & Anxo Lourido
Demetrio Gómez, concelleiro de Mobilidade, explicaba este xoves que o goberno local tomou a decisión de implantar unha redución da velocidade dos vehículos que circulan en zonas de plataforma única, espazos nos que coinciden peóns e vehículos. A intención é pasar do 20 km/ h. ao 10 km/ h.
Esta proposta adoptarase baseándose no informe analítico da circulación en Pontevedra realizado polo enxeñeiro Fernando Nebot con informes dos técnicos municipais, que será editado en formato libro e recollerá os elementos de acougado de tráfico. Neste estudo recoméndase que os vehículos deben circular nestes espazos a máis de dous metros dos peóns e a unha velocidade de 5 km/ h.
O concelleiro afirmou que aínda se está estudando cando se aplicará esta medida, porque se analizan que medidas serían necesarias para que esta redución levase a cabo, ademais da vixilancia policial.
Demetrio Gómez indicou que se estudará aínda a que velocidade reduciríase a velocidade en rúas como Cruz Gallástegui ou en Riestra nas que, a pesar da prioridade peonil, existe un espazo destinado á circulación de vehículos.
O goberno local prevé tamén que a redución da velocidade sexa aplicada a todo tipo de vehículos, desde camións a turismos pasando por bicicletas, motos ou patinetes.
O concelleiro que anunciaba esta medida con motivo da celebración da Semana Europea de Movilidad mostrou a súa satisfacción porque este venres o alcalde Miguel Anxo Fernández Lores e o intendente da Policía Local, Daniel Macenlle, serán distinguidos nun acto en Cangas pola prevención de accidentes de tráfico con motivo da aplicación do modelo de cidade. "Fainos máis ilusión", indicou o concelleiro ao comparalo con outros premios porque "sempre resulta difiícil ser profeta na propia terra".
Relacionadas:
-
Importante reorganización do tráfico no Gorgullón para reducir o tránsito de vehículos pola zona peonil
Por Natalia Puga |
-
A nova ordenanza de mobilidade reforzará o carácter peonil de Pontevedra
Por Alejandro Espiño & Cristina Saiz |
-
Pontevedra, unha 'cidade 10' que foi protagonista no Cumio Mundial do Clima
Por Alejandro Espiño |
-
A 'améndoa central' de Pontevedra convértese en 'zona 10' esta mesma semana
Por Alejandro Espiño |
-
Pedaladas critica a Lores por "facer populismo" e "poñer na picota aos ciclistas"
Por Oskar Viéitez |
-
A transformación urbana de Pontevedra, a análise na Semana da Mobilidade de Funchal
Por Redacción |