Vilagarcía restrinxe o acceso a praias, cemiterios e suprime a recollida de residuos voluminosos
Por Redacción
O Concello de Vilagarcía decretou esta mañá a prohibición do acceso ás praias e a todas as áreas recreativas do municipio. Unha medida que complementa as restricións de acceso a parques e instalacións lúdicas ou deportivas municiaples. No mesmo documento, o alcalde, Alberto Varela, ordena o peche dos cemiterios municipais aos que só se poderá acceder para casos de inhumaciones ou exhumaciones.
Así mesmo, todos os trámites burocráticos relacionados co Concello, por orde do Ministerio de Facenda, quedan suspendidos ata que se levante o estado de alarma. Así mesmo, o goberno local poñerá en práctica medidas que favorezan non liquidar os tributos municipais naqueles contribuíntes que non poidan explotar os servizos polos que deben abonar as súas cotas como as terrazas da hostalería ou as escolas de música. Doutra banda, estudan a implantación de beneficios fiscais para aquelas persoas ou empresas que visen alterada a súa actividade polo coronavirus.
Noutra orde de cousas, lembran desde o Concello vilagarcián que o servizo de limpeza segue traballando a pleno rendemento, pero centrando os seus esforzos na deinfección das zonas de maior afluencia de público. Por iso, acordaron suspender a recollida de residuos voluminosos e facer un chamamento á cidadanía para que faga un uso racional do servizo de recollida de lixos.
Relacionadas:
-
O PP de Poio solicita a reapertura gradual e controlada do cemiterio municipal
Por Redacción |
-
A Deputación libera catro millóns de euros para axudar aos concellos pequenos a loitar contra o coronavirus
Por Redacción |
-
Solicitan urxentemente medidas polo coronavirus no sector de axuda a domicilio
Por Oskar Viéitez |