Aplican un novo tratamento contra o picudo vermello nas palmeiras da cidade
Por Redacción
O coronavirus non detén a loita contra unha das pragas que máis se estendeu polas árbores da cidade nos últimos anos, o picudo vermello. Todas as palmeiras dos principais parques históricos do centro urbano recibiron un novo tratamento contra este parasito.
A empresa especializada en control de pragas Galides SL foi contratada polo Concello para realizar estas terapias fitosanitarias cun orzamento de 14.500 euros.
A intervención foi completada coa axuda dun camión-guindastre cun brazo extensible que pode acadar os 50 metros de altura, o que permitiu levar a cabo unha revisión exhaustiva do estado sanitario das árbores e constatar que todas continúan sas e non teñen verme.
O concelleiro de Desenvolvemento Sostible, Iván Puentes, explica que as palmeiras canarias que hai na cidade son un dos elementos vexetais de maior valor ornamental, histórico e sentimental e representa unha "prioridade" seguir conservando intacto este patrimonio.
Puentes destaca ademais o seu valor "singular e monumental" e o seu porte "imponente", xa que pertencen á época do impulso de Pontevedra a partir de mediados do século XIX, coa construción dos grandes edificios públicos, como a Casa Consistorial ou o Pazo Provincial.
Relacionadas:
-
O tratamento do picudo vermello nas 72 palmeiras de Sanxenxo custará 16.900 euros ao ano
Por Redacción |
-
Trazan un plan para protexer os catro cedros do Himalaia que hai nas Palmeiras
Por Redacción |
-
Parques e Xardíns prevé que as zonas verdes poidan estar como antes do confinamento no prazo de dúas semanas
Por Redacción |
-
Reabren zonas verdes precintadas ante a inminente saída dos nenos
Por Redacción |
-
As Marismas de Alba presentan xa unha renovada rede de sendas peonís
Por Redacción |