Os núcleos de menos de 5.000 habitantes tampouco terán restricións horarias
Por Alejandro Espiño
Boa noticia para todos aqueles que residan en núcleos de poboación inferiores a 5.000 habitantes. O Goberno suavizou as restricións e, tras a petición realizada desde Galicia, permitirá suprimir os horarios marcados para facer deporte, saír cos nenos ou pasear.
A partir de agora, todos estes núcleos terán a mesma consideración que os concellos de menos de 5.000 habitantes, que xa se quedaron fóra das limitacións impostas na fase 0 da desescalada.
Atendendo a esta autorización, será agora a Xunta de Galicia a que defina que núcleos de poboación se axustan a este criterio e llo comunique aos concellos interesados.
O goberno galego celebrou esta decisión e apuntou que esta liberdade horaria beneficiará ao 50% da poboación de Galicia.
A Xunta xa se puxo en contacto coa Federación Galega de Municipios e Provincias (Fegamp) para que, á súa vez, lla traslade aos concellos.
Esta medida, defende a administración autonómica, adáptase mellor á realidade social galega e á súa distribución territorial.
Relacionadas:
-
Os municipios da comarca con ata 10.000 habitantes deixarán de ter restricións horarias
Por Redacción |
-
Cales son as franxas horarias da miña parroquia? Consulta aquí
Por Oskar Viéitez |
-
O Concello destaca a "normalidade" na primeira fin de semana da desescalada
Por Oskar Viéitez |
-
Os pontevedreses saen a respirar: madrugóns e distancias de seguridade no primeiro día de deporte e paseos
Por Diego Torrado & Redacción |
-
Establecen tres franxas horarias limitadas para pasear a partir deste sábado 2 de maio
Por Redacción |