Carmela Silva: "O teletraballo nada ten que ver coa conciliación"
Por Oskar Viéitez
"O teletraballo nada ten que ver coa conciliación", así o dixo a presidenta da Deputación de Pontevedra, Carmela Silva, que cre que "hai que regular o teletraballo atendendo a políticas sociais e respecto ás condicións laborais, pero tamén con perspectiva de xénero".
A Deputación de Pontevedra organiza unha conferencia a través de internet para abordar o teletraballo e as novas tecnoloxías con perspectiva de xénero, así como reflexionar sobre o novo marco de actuación e o estado actual desde unha perspectiva feminista.
Trátase dunha acción en formato en liña, a través da Escola de Igualdade María Vinyals que terá lugar o vindeiro xoves día 9 de xullo ás 10:00 horas a través da plataforma Zoom.
Este venres en rolda de prensa, Carmela Silva alertou á cidadanía para "que a implantación das novas tecnoloxías no mundo do traballo non signifique que as mulleres teñamos que volver estar co teletraballo e coidando".
"O teletraballo é un tema que me preocupa especialmente. Creo que as novas tecnoloxías teñen que ser aplicadas sempre con perspectiva de xénero", insistiu a presidenta provincial.
Carmela Silva subliñou que "o teletraballo nada ten que ver coa conciliación porque cada vez que falamos desta cuestión facémolo de mulleres traballando e coidando no fogar, cando é de corresponsabilidade do que se debería falar, con mulleres e homes traballando, desenvolvendo a súa profesión e tamén coidando aos maiores, aos nenos e ás nenas, e aos dependentes".
"Me preocupa que se estea ensalzando tanto o teletraballo ligado á conciliación",engadiu Carmela Silva. "As mulleres costounos moitísimo sair da casa, do privado, estudar, formamos, desenvolver unha carreira profesional e ocupar postos de responsabilidade de alta dirección. O teletraballo, que chegou co coronavirus, volveu a recluírnos na casa a todas e a todos pero, quen tivo que compaxinar o seu traballo cos coidados? Os datos o din: o 75% das mulleres e, polo tanto, hai que estar alerta para que coa crise sanitaria as mulleres non retrocedamos nos nosos dereitos".
O tema será abordado nesta conferencia da Escola María Vinyals que, debido á situación derivada da pandemia da covid-19, tivo que adaptar a súa actividade formativa. Como relatores participarán Teresa Empar Augado Bloise, profesora do Departamento de Socioloxía e Antropoloxía Social da Universidade de Valencia; Maite Egoscozabal, responsable de investigación social no Club de Malasmadres e Ana Belén Valiño Alonso, secretaria xeral de UXT- FICA.
Estará moderado por Ana Fuentes Crego, xornalista e unha das fundadoras do grupo Sumamos Rede de Mujeres Profesionais.
Relacionadas:
-
O PP alega contra o Regulamento de Teletraballo da Deputación e pide que estea máis "pegado á realidade"
Por Redacción |
-
Piden á Deputación que fomente o teletraballo para reducir o número de traballadores en cada servizo
Por Oskar Viéitez |
-
O PP lamenta o "tempo perdido" na Deputación coa implantación do teletraballo
Por Oskar Viéitez |
-
A Deputacion adaptará a normativa estatal sobre teletraballo incorporando a perspectiva de xénero
Por Oskar Viéitez |
-
A Deputación abordará cos sindicatos novas propostas de conciliación
Por Oskar Viéitez |
-
A Deputación elaborará un informe alertando do temor a que as mulleres volvan quedar invisibilizadas tras o teletraballo
Por Redacción |
-
'As mulleres que opinan son perigosas' conclúe este sábado con sesións online sobre o xornalismo feminista
Por Redacción |
-
RADIO.- 'Bragolas' sostibles, feministas e feitas en Pontevedra
Por Mónica Patxot & Marisa Ciordia |