Unha muller de 89 anos, a vítima mortal número 20 da pandemia na área sanitaria
Por Natalia Puga
Unha muller de 89 anos que estaba ingresada no Hospital Montecelo converteuse este mércores na vítima mortal número 20 da pandemia da Covid-19 na área sanitaria de Pontevedra e O Salnés.
Fontes oficiais da área sanitaria confirmaron o falecemento, que se produciu na tarde deste mércores, trece día despois da anterior vítima mortal na área sanitaria. O pasado 17 de setembro rexistrouse a morte dun home de 56 anos que presentaba patoloxías previas.
Esta nova vítima mortal tamén presentaba patoloxías previas, aínda que non transcenderon cales.
Este mércores, antes de confirmarse o falecemento desta muller, a área sanitaria de Pontevedra e O Salnés contabilizaba 786 casos activos, sete menos que o día anterior. Nas últimas 24 horas confirmáranse 19 novos positivos de pacientes, aínda que como se produciran 26 altas, en realidade, o número de casos activos reduciuse en sete.
Antes desta vítima mortal, había 21 pacientes hospitalizados na área sanitaria,16 pacientes ingresados en planta de hospitalización e cinco na unidade de Coidados Críticos do Hospital Montecelo.
Relacionadas:
-
Baixan ata 765 (-30) os casos activos de coronavirus na área sanitaria nunha xornada con 14 novos contaxios
Por Diego Espiño |
-
A incidencia da COVID-19 volve subir na área sanitaria, con 14 positivos nun día e 9 casos activos máis
Por Natalia Puga |
-
Terceira xornada de descenso de casos activos de Covid-19 na área sanitaria
Por Natalia Puga |