Outro residente de Soremay falece por coronavirus no Hospital Montecelo
Por Redacción
Un home de 93 anos falecía no Hospital Montecelo durante as últimas horas, procedente da Residencia de maiores Soremay de Pontevedra onde se rexistra un gromo de covid-19. Con esta nova vítima, a área sanitaria de Pontevedra e O Salnés alcanza os 70 falecidos desde que se comezaron a contabilizar as mortes derivadas do coronavirus.
Continúan producíndose falecementos a diario desde o pasado luns 7 de decembro nos hospitais de Pontevedra de pacientes diagnosticados por coronavirus e súmanse xa 10 mortes no últimos seis días.
A Consellería de Sanidade notificaba durante este sábado 12 de decembro a morte de tres persoas en Galicia, sete menos que nos datos ofrecidos o venres. Ao caso de Pontevedra, súmase un home de 88 anos que perdía a vida no Álvaro Cunqueiro de Vigo; e unha muller, de 95 anos de idade, que falecía no Complexo Hospitalario de Ferrol.
Segundo o Servizo Galego de Saúde, as tres vítimas mortais presentaban cadros clínicos nos que figuraban enfermidades previas. Galicia perdeu 1.306 persoas como consecuencia da pandemia.
Relacionadas:
-
Falece unha muller de 94 anos por covid no Complexo Hospitalario de Pontevedra procedente da residencia Soremay
Por Redacción |
-
Nova vítima da covid-19 no Hospital Montecelo usuaria da residencia Soremay
Por Redacción |
-
Volven subir o número de casos activos na Área Sanitaria
Por Oskar Viéitez |
-
Un home de 60 anos, novena vítima mortal da covid nos últimos cinco días en Pontevedra
Por Redacción |
-
Dúas mulleres, procedentes da residencia Soremay, falecen nas últimas horas en Pontevedra por covid-19
Por Redacción |
-
Tres falecementos no Complexo Hospitalario de Pontevedra elevan a 65 as mortes por covid na área sanitaria
Por Redacción |
-
5 novos casos covid na residencia Soremay de Pontevedra, que alcanza os 61 positivos entre usuarios e persoal
Por Redacción |